لاتعتبي
لاتعتبي ياحلوة الحلوات
ان ماقدرت وصٍلك حكي
عاشفافي ماتت الكلمات
والدمعات نشًفها البكي
********
لا تسألي وين هك البسمات
ولا من الأسى لا تشتكي
عادراجنا دبلت الوردات
وعالصدر ماعاد فيكي تتكي
********
صار القلب يزفر الآه آهات
بعد ماصرتِ محيًره وملبكي
وماعاد تسمعي هك الغنيًات
اللي كنت اكتبها وابعتها لكِ
***********
لاتعتبي شوعاد رح ينفع عتب
زاد الأسى والهم بالصدر التعب
تاري الهوى بيبدلوا ظلم الزمان
والدهب وحدو بيضلوا دهب
***********
شو ناطره بعد ماقتلت الحنين
ومرمرت هالقلب عاطول السنين
ياحلوتي دبلت زهور الياسمين
طال الجفا وبالدمع ماضينا انكتب
**********
لاتسألي عن أيام عشناها سوى
ومراسيل الحب وغناني الهوى
من ظلمك كتاب ماضينا انطوى
وبعدك بتسألي مين السبب
***********
مابتعرفي اللي بيترك حبيبوا بالأسى
مع هالزمان رح يفل وينتسى
واللي مابيبقى لحبوا وفي
بيرجع تايعتب بس مابينفع عتب
****************
