السلام عليكم ورحمة الله وبركاته
حبيت اقدم قصيده مره عجبتني
الـسـفـيـنـه
ضاقت وساع الفيافي والوعد متن السفينه =
========== للطريق اللي دعاني بعد امان الله وامانه
لاتناديني وصوني قلبك الله لايهينه =
=========لايراهن في رجوعي لاجل ما يخسر رهانه
ليه ما ارحل عن غرامك بعد ما ذقت الغبينه =
======== اذكري لي شي واحد يستحق اقعد عشانه
قلب ما حن لو صالي ماني بحاجة حنينه =
======= واشهد انه ما يعزر بالرفيع الا هوانه
الهوى الغدارحد الله ما بيني وبينه =
======== والرجل لاخير فيه ان ما حفظ قدره وصانه
واحد مثلي ليا من حدته عوجا سنينه =
======= ما شكى لاقرب ابنادم لو هو اغلى من اخوانه
يوم قلبي ما عصاك وما قدرتي تذبحينه =
======ليه خنتي فيه وانتي معه من نفس الديانه
كان ذبحي بيدك ارحم لي من اللي تفعلينه =
====== وان طلبتك تذبحينه ما ذبحتيني لعانه
كل جرح من جروحي تذكرينه تنكرينه =
======كن مالك في نزيفه يد خانت بالامانه
ينزف الخافق تواضع لين لطختي جبينه =
======والا انا ما كنت ابيها توصل لحد الاهانه
قلت من باب الميانه صاحـبك وتعذبينه =
======لعنبوك ارخي معاي شوي ما صارت ميانه
طعت عقلك يوم قيل ان العقل للبنت زينه =
===== لكن الشرهة على اللي يحسبن انك تكانه
من بعد ما كنتي انتي في حشاي اغلى سجينه =
======باوعدك باطلق سراحك واتهميني بالادانه
وين رايح لاي درب ما يرجع للمدينه =
====== ليه رايح لان قلبك ما ترك قلبي وشانه
كيف ابنسى ربي اللي ملهم القلب السكينه =
======مثل ماعانه بقربك لانوى فرقاك عانه
كان قاسي يجرح اطراف السكاكين السنينه =
======ما يطيح وبنت مثلك حبها هزت كيانه
والاانا خابر خفوقي ما يمد الا الثمينه =
====== وان بغى يغيض الثريا قعد القمرا وزانه
مزعل لاجلك هنوفً رجت عقول رزينه =
======وان تهادت بالطريق الجرهدي تزهر جنانه
جادل كن الجمال اقبالها كتف ايدينه =
===== والقمر لاشاورت له ينزح وتقعد مكانه
كانت اول من تحكم في فروع الياسمينه =
===== وان تعدتهن تثنن خيزرانه خيزرانه
بعتها لاجلك وصارت لاصغر اطرافك رهينه =
=====والاهي لفتة هدبها تغمرك ثقل ورزانه
والخفوق اللي تغذى من معزة والدينه =
===== مشكلته انه تعلق في زمن ماهو زمانه
كل ما زادت جراحه واكتشف غلطة ظنينه =
=====صدقيه ان قال ما به شخص يستاهل حنانه
يوم نادى يافلانه ما رضيتي تسمعينه =
===== لين صوت يافلانه يافلانه يافلانه
كنت اشوفك زعفرانه تقرض الورد وتدينه =
===== يمكن اني ما قطفتك بس اشوفك زعفرانه
كنت اهاب البعد عنك واطلبك لاتذكرينه =
====== كان خوف من الفراق وخطوة الفرقا جبانه
ما اقتنعت ان الخيانه بالرجل تلوي يمينه =
====== لين ماربي بعثك وذقت من طعم الخيانه
اسمحي لي ما بقى فيني مكان تطعنينه =
======واقبلي من جوف قلبي كل عطفة وامتنانه
والله الله في عذابك واتركي عينك بعينه =
======دلليه ولا يرده عن شقاك الا لسانه
ولاانا قررت اسافر وامتطي ظهر السفينه =
=======لان ما به شي واحد يستحق اقعد عشانه
تحياااااااااااااااااتي:
