إعتراض على بعض قرارات مشرفنا الموقر

shahera · شرس مشارك

التسليه والمرح هو جزأ أساسي في حياة الأنسان فلا أتخيل شخص يقضي 24 ساعه في اليوم في التحدث والمناقشه في أمور علميه وجديه .فالتسليه والحديث المرح جزأ من جاذبية الشخص وتتفاوت من شخص لأخر لكن لا تستطيع فصله عن شخصية الفرد وبذلك أنا أعارض قرارات المشرف بشطب بعض المواضيع الترفيهيه ومحاولته بجعل المنتدى منتدى علمي بحت .
وفي رأيي أن تلك القائمه التي تحتوي على " المجموعه الفضلى " من الاعضاء والتي سوف يختارها المشرف لتلقمنا المعلومات التي تعجبها , وسؤال يستفزني هو أنه على أي أساس وضع المشرف المقاييس المثاليه لشخص " المختار " لإعطاءنا المعلومات .

إقتراح لمشرفنا الموقر بأن يقوم بعمل إختبار للمستوى الديني و الثقافي و العقلي والعلمي و الجسمي قبل قبول أي عضو جديد محاولة منه للحفاض على " السلاله الفضلى " الذين يمثلون الوجه الحضاري للمنتدى المستقبلي .

ليث الشرس · الشرس الاصلي

اولا مشرفكم الموقر هذا اسمو ليث ..

والكل بيعرفني واتمنى تخاطبوني باسمي مو زي سلطة عليا متكبرة ..

بس انا يا شهيرا لو تحطي حالك مكاني كان عرفتي اللي بحكي عنو ..

يعني الواحد يالله يالله يتحل اثامو .. تا يتحمل اثام غيرو كمان ..

يعني فيه نكت ومرح وفرفشة وضحك وترفيه .. لكن الالعاب هاي يعني زي اللي فاتح مقهى تعارف على المكشوف .. لانو من خبرتي الطويلة .. ما استفدنا منها غير وجع الراس ..

لانو المنتديات كلها بتسوي نفس الشي ..

وعشان يكون المنتدى مميز لازم يجيب اشياء غير .. ونوعيته غير .. يعني مش كلو ضحك وغزل وحب وفرفشة ..

وانا ما بدي اياه يكون جدي زيادة عن اللزوم

يعني بعد منتدى النكت موجود وبعد منتدى الاغاني موجود .. ومنتدى الاراء والمناقشات موجود .. الواحد بقدر يعبر عن رايو بحرية ..

بس لحد انو يصير تعارف وحب بين الاعضاء انا الصراحة هذا شي ما بتحملو .. واذا المنتدياتالثاية بتتحملو هذا اشي ثاني ..

لانو منتدانا مش زي كل المنتديات .. جربي جوجل اكتبي منتدى وشوف قديش بيطلعلك نتائج .. الااااف المنتديات وكلها متشابهة

يعني مفيش المنتدى اللي تقولي اه والله هذا مميز وكلشي بجيبو جديد ومفيد ..

فاهمة علي كيف .. Wink

واذا سمحت لكل الناس انو يكتبو مواضيع رح يقلب المنتدى مسخرة زي ماكان وزي كل المنتديات ..

يعني اللي بحقلو يكتب هو اللي بيظل يجيب اشياء جديدة وغريبة ..

والباقي بحقلهم يردوا ..

وكمان اللي بدو ينضم لهاي المجموعة يحكيلنا واحنا بنحطو ..

مابدنا حيالله حدا يسجل يفوت ويحط موضوع ..

بيكون حكي فاضي .. رحبو فيي يحطوا بكل المنتديات موضوع لحالو ..

او موضوع في غير مكانو ..

او موضوع والله هدية لحبيبي العضو الفلاني ..

وبتلاقي الموضوع مافيو غير كلمتين

او بتلاقيه مكرر اكثر من 20 مرة ..

فهمتي كيف ؟؟

اذا بدك تنضمي للكتّاب اهلا وسهلا ..

بس احكيلنا ( ليش ؟ ) شو ممكن تقدميلنا ..

يسلموا واتمنى تكوني قريتي الكلام لاني بحب احكي كثير واوصل المعلومة للي قدامي ..

هو من الآخر بدنا نصير غير هالمنتديات وبدناش تقلب علاقات بين الاعضاء ..

لانو احنا شباب وبنعرف .. هالشغلات الها اماكنها .. ما لقينا غير المنتديات .. Twisted Evil

عبود الحبوب · شرس مشرف عام

انا مع كل كلمة قالها ليث
وهذا لايعني انه رأي شهيرة غلط

فانا أيضا لا احبذ ان يتم حذف منتدى الألعاب ولكن يجب ان يكون مراقب وتكون المواضيع فيه قليلة والألعاب مختارة

يعني أنا هادا رأيي والباقي عندكم

تحياتي

المشتاقة 1 · شرس بكل معنى الكلمة

والله ياليث كلامك صحيح
بس عندي فكره
اذا كان منتدى الألعاب مهم
لانه يعتبر ترويح عن النفس و تغيير جو
فاعمل منتدى جديد تكون فيه العاب جديده
و حط عليه مراقبين انت تثق فيهم
و اي مشاركه فيها حب و غزل
و كلام فاضي تحذف
لأننا كلنا في المنتدى بنعرف بعض
و المشاركين قليل اللي بيشاركوا
يعني لو جينا نعدهم بينعدوا على الأصابع
و اكيد انا باقصد المشاركين الفعالين
و الاساءه للمنتدى بتجي من الأعضاء اللي بيسجلوا ليس من اجل المشاركه
و انما من اجل قلة الأدب
و شغله المشرفين او المراقبين
انهم يحذفوا هذه المشاركات
وفي الآخر الراي رايك و الشور شورك