هو وهي!!

Rimy-mrs · شرسه مشرفة منتدى

هو:

بدي اطلب بيتزا .. بدك اشي؟"

هي:

"لا."

هو:

"اوكي."

هي:

"و لا بقلك ..؟"

هو:

"شو . بدك اطلب لك ؟"

هي:

"ما بعرف."

هو:

"ما بتعرفي اذا بدك شي؟"

هي:

"لا."

هو:

"انتي جوعانة؟"

هي:

"يعني ."

هو:

"شو يعني يعني...؟"

هي:

"يعني معناها مو متأكدة اذا كنت جوعانة ولا لا."

هو:

"الواحد لما يكون جوعان بيعرف"

هي:

"مهو يمكن اجوع بعدين"

هو:

"معناها اطلب لك بيتزا."

هي:

"طيب و اذا ما كنت جوعانه وقتها..؟"

هو:

"ما تاكلي."

هي:

"بس هيك بيكون تبذير"

هو:

"طيب . بتاكليها بكرا."

هي:

"و اذا ما كان الي نفس آكل بيتزا بكرا؟"

هو:

"هاي ما بدها نفس .. الواحد بيقدر ياكل البيتزا كل يوم "

هي:

"انا لا .. ما باكل بيتزا الا لما يكون عندي نفس للبيتزا."

هو:

"معناها بطلب لك شي تاني"

هي:

"بس انا ما بدي شي تاني"

هو:

"يعني بدك بيتزا؟."

هي:

"لا."

هو:

"يعني ما بدك شي؟."

هي:

"لأ بدي."

هو:

"جننتيني شو بدك؟"

هي:

"اطلب انت لحالك.."

هو:

"اخيرا .. ماشي.."

هي:

"بس اطلب بيتزا بالتونا"

هو:

"بس انا ما بحب التونا."

هي:

"بس انا بحبها."

هو:

"هو انا بدي اطلب الي و لا الك...؟!"

هي:

"الك طبعا."

هو:

"طيب و ليش بالتونا...؟"

هي:

"يمكن اجوع لما يوصل الاكل"

هو:

"و شو يعني؟"

هي:

"بالله؟ شو يعني فكرك آكل اشي ما بيعجبني؟"

هو:

"ليش هو انتي بدك تاكلي؟"

هي:

"ليش لا ؟"

هو:

" يا مثبت العقل .. لسه انا اطلب بيتزا الي , عشان انتي تاكليها اذا كنتي جوعانه؟؟"

هي:

"بالضبط."

هو:

"و انا شو بدي آكل؟"

هي:

"مهو يمكن ما أكون جوعانة..."

ملاحظة: محكمة الجنايات قررت الافراج عن الزوج

المتهم بتهمة "قتل الزوجة مع سبق الاصرار و الترصد

" و تحويل القضية الى "قتل الزوجة دفاعاً عن النفس

Blue · زائر

ههههههههههههههههههههههههههههههههه

روعه انا دخت في الأخر حسيت حالي انا الي بدي اطلب بيتزا Laughing

weet M-T$ · شرس مشارك

هههههههههههههههههههههه Laughing

Rimy-mrs · شرسه مشرفة منتدى

شكراً على مروركم الحلو