تذكرين ..
كنا انا وياك نبي عالرمل .
قصرا كبير ..
قرب البحر ..
كنت اجمع المحار ..
وابـــنــي به جدار ..
قرب البحر ..
كانت حياتي كلها فرح وسرور .
.
وانتي معي كنا نربي هالطيور .
الي تغرد في سماي ..
وانتي معي ..
لحظة غروب .... كنتي معي
اشوف نور الشمس .. يحضن هالبحر .
منظر بديع ..
شلال شعرك .. مندمج وسط الخيال ..
اشقر على لون الشعاع ..
كنت ابتسم .. رغم الهدؤ ..
وانتي معي
هل تذكرين .
كنت.. انتظر لحظة تجين .
انتي مع ذاك الشعاع متواعدين ..
وانا هناك ..
واقف
اراقب هالمكان .. ناطر تجين .
كل المشاعر نتنظر شوف الغروب ..
منظر بديع .. شوف البحر ..
لحظة غروب .. وانتي هناك ..
..
ادري كذا كنا زمان ..
انا اردد كلمتي بنفس المكان ..
اكتب على اوراقي .. حروفك
ارسم على رملي طيوفك ..
لنك معي كنتي زمان ..
رحت البحر .. بنفس المكان ..
شفت الاصيل بس الاصيل ..
نفس الشعاع ..
نفس البحر ..
حتى المراكب .. والطيور ..
كنت اسمع اليامال ,..
بنفس المكان ...
لكن تغير شي ..
ماكنتي معاي ..
حتى الاصيل .. زعلان .. ما سلم علي ..
لاني وحيد ...
وانتي بعيد ..
حاولت اغير وجهتي ..
يمكن انا غلطان ..
ضيعت المكان ..
..
..
..
لكن ..!!
انا ما كنت ادور للبحر ..
ولا الاصيل .
حتى الطيور الي تغرد لي هناك ..
ما كنت ابيهم يا غلاي ..
كنت انتظر لحظة لقاء ..
فيها اكون عند البحر ..
حزة غروب ..... وانتي معاي ..
انتي البحر كنتي معاي ..
وانتي الطيور اللي بسمااي
لكن تبين وقتها انك بعيد ..
وانا وحيد ..
قعدت في نفس المكان ....
بعد الغروب ..
خايف اغادر ما اعود ..
ضيعت دربي ..
نسيت عنواني ..
قلت انتظر ..
وسط الظلام .
يمكن تبين .. شمس النهار ..
واشوف فيها .. بستمي ..
يمكن اشوفك ..... وقتها ..
لكن ..!!
تبين لي شعاع ..
غريب ماكنت اعرفه .
لونه رقيق ...
فز الخفوق .. يطالعه ..
وانا معه ..
لقيت نوره لمني ..
حسيت به ..
مثل الاصيل ..
..
كان القمر ..
لونه جميل ..
شق الظلام ..
يرسم على وجهي .. السرور ..
كانت عيوني تنتظر ..
منه كلام ..
كنتي القمر ...
وانا انتظر .. حزة غروب ..
شفتي .. ظلمتك بالعتاب ..
كنت انتظر ..
حزة غروب ..
وانتي القمر ..
انتي القمر ..
الاهداء لا يعني ان هناك علاقة لكن حبا في التقارب بين الاعضاء ...
عشان ما يقتلونا اهلنا بعد الكلام الغزل ... خخخخخخخخخخ الكلام لج يا جاره 
