يقولـون .. -يعني ماهوب أنا اللي يقوله- أن فيه راعي ليموزين (حبيب مرة وعلى نياته) في أحد الليالي المشمسه (ليالي الصيف في الرياض كنها نهار) وفي ساعة متأخرة من الليل وهو راجع لبيته (ماعنده للشيطان طريق) ولاعنده نية يشيل أحد أو يكد ، وفي أحد أحياء جنوب الرياض شاف له شايب ذو شخصية مهيبة ومرتب ولحيته بيضاء (شكله بتاع ربنا) واقف على الرصيف ويأشر وقال والله لأوصلــه وأخذ أجــره ، وقف له وقال : تفضل ياعم ، قال الشايب أنا أبي نادي الشباب تكفى ومامعي الا عشرين ريــال ، هل تكفيك ، قال أركب ياعم والله مايدخل جيبي شيء أنا ماوقفت الا هيبة وتقدير لك ماودي تتبهذل أخر الليل تدور ليموزينات .
...
ركب الشايب ولسانه ماسكت عن شكــره ويدعي له طول الخط ويسبح ويهلل ويستغفر وراعي الليموزين بغى يبكي من الجو الروحاني اللي عاشه طول الرحــلــة ، ويوم قربوا يوصلون شافوا واحد يأشر ، قال الشايب تكفى أوقف له ياولدي وخذ أجره ، قال تأمرني أمر ياعم ، وقف وقال للواقف على الرصيف وين تبي ، قال له تكفى نادي الشباب ، قال أركب وترا ببلاش ماابي منك شيء كرامة للشايب اللي معي . ركب الرجال وقال له وشو شايبه ، قال ماتشوفه اللي قاعد جنبي ، وفي هاذي اللحظة قرب الشايب من راعي الليموزين وقال له لا يكثر كلامك ، ترا مايشوفني الا أنت ، وفي هاللحظة وقف شعر رأسه وقال أجل وش أنت أنس والا جن ، قال له أنا ملك الموت ومايشوفني الا أنت ومأمور أني أخذ روحك ، وترا باقي لك 5 دقايق وأنزع روحك ، وأن طعتني أنزل صل لك ركعتين خلني أخذ روحك وأنت ساجد يمكن أنه أبرك لك ، طب راعي الليموزين مسيكين من سيارته (وخلى السيارة شغالة من الروعة) وراح للرصيف واستقبل القبلة وكبر وقام يقرأ بصوت عالي ويبكي ٍٍ، وهو في هالحــالة ............
وهو في هالحالة
سمع صوت سيارته يغادر المكان قطع صلاته والتفت والا الشايب (ملك الموت سابقا) والرجال الثاني سارقين سيارته ومخلينه في الشارع .
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
