و هاختصر معاكم و نشوف كل عضو بيحب أغانى إيه ( أقصد إللى يسمعها كتير و يسرح معاها ) أنا عارف ان الاغانى الحلوة كتير لكن أكيد كل عضو بيلاقى أغنيه تقصده و تحكى عنه
و هابتدى بنفسى أنا فى حياتى تأثرت بـ 3 أغانى
- أولهم ( معقول ؟ ) من ألبوم " كبر الغرام " لمحمد فؤاد
و شد انتباهى الجزء إللى بيقول ( أهو قال لك بعنيه .... و إللى انت خفت تقوله قالك هو عليه )
و ده لما كنت بعدى قدام شغلها و ألاقيها بتبص و تبتسم
- ثانى اغنية ( ياناسى روحى ) من نفس الالبوم
و شد انتباهى الجزء إللى بيقول ( سبتك و انا مش عايز أسيبك و انا قلبى حزين ..... ذنبك إيه تستنى حبيبك و تضيع فى السنين )
و ده لما حسيت ان قدامى سنين اخلص دراستى و ابنى نفسى و ابقى جاهز للجواز قررت انى أحاول انساها
و طبعا لما رجعت فى كلامى و قررت أصارحها - زى ما حكيت قبل كدة - لاقيتها سابت الشغل
- ثالث أغنية ( بتحبها ولا ) للمطربة " انغام "
و ده لما انا لاقيت واحدة شبهها و فى نفس اليوم رحت البيت و حملت الاغنية من النت و دى تقريبا الاغنية الوحيد لأنغام على جهازى
بس طبعا ماكدبش عليكم أنا ساعات اسمع الاغانى دى و اتخنق لانى فعلا بفتكر حاجات و احيانا اندم و احيانا اتمنى لو ربنا خلقنى من غير قلب
عموما أنا عايز أنكد عليكم و مش عايزك تقولوا أغانى نكد فرحونى شوية
_________________
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
