شعر لسعد علوش ........يوم اعتزاله ..

قلب مجربة العذاب · شرس منا وفينا

حبيت احط لكم ..
قصيدة ( الأعتزال ) .. لسعد علوش
لأن فيها من العبره الكثير .. وفيها من المعاااني درر ,,,

من كل حرف, وكل شهـوة صبابـه
استغفـر الله واتعـوّذ مـن إبليـس

يا رب, يـا رب الكـرم و المهابـه
جرّدنـي مـن النابيـه والسبـابـه
تعبت مـن مسـك القلـم والكتابـه
والشعر, وفتـن النسـا والأباليـس
والمدح في عـزوة وشيـخ وقرابـه
والحب, وماحوله , ومالـه, وهابـه
والشـوق وغفـال العقـل وانغلابـه
والشهرة وحكـي العـرب واللبابـه

اقفي من الله والأمـل والرضـا بـه
وأروح ادوّر من ورا إبليس أحاسيس

اسهر علـى فـن الكَلِـمْ والخطابـه
وأصبح ولين اللي جمعتـه حماليـس

تقودني نفسـي ولا اشعـر ولا آبـه
مالت عليهـا عاصيـات الهواجيـس

الإثم ما حاكه في خفوق وخفـا بـه
والخير ما شاعتـه روس النواميـس

كم شي صار وصار مـا ينـدرا بـه
وكم نومـةٍ مـا كدرتهـا كوابيـس

والرجل إذا مـا يعتبـر فـي شبابـه
يعيب قبل يشيب ويشيـب ويخيـس

يا راجي أرجى اللي ما ينصـك بابـه
لا ترجي الوهبات من هيس ابن هيس

استغـفـر الله واتتـقـى من عذابـه
اللي فرقني عن حيـاة المتاعيـس

من قبل لا اعرف الهدى وأعنـا بـه
أنا وهمي والحـزن Face to Face

والحيـن لله .. الفضـل والانـابـه
متعافي .. ويمشي على زندي التيس

هادي .. يشوشنـي طزيـز الذبابـه
لا عـد لأيـام الغبيّـه ولا أقـيـس

شريت عقلـي فـي سـؤال وأجابـه
أنا أعبد الله.. وإلا أعبد الوساويس ؟

لـذة خفوقـي وانجلايـة ضبـابـه
سجـدات ليـل ظالمينـه مناعيـس

فأجـواء مكـة والحـرم والرحابـه
لا يا بعـد رومـا ولنـدن وباريـس

هذي ديـار المصطفـى والصحابـه
وهذيك دار إبليس وعويّـل إبليـس

---------------------------
اتمنى تعجبكم .......
تحياتي ....

.......قلب مجربة العذاب .....

ملفت الانظار · شرس بكل معنى الكلمة

روووووووووووووووعة × روووووووووووعة

مشكووورة قلب مجربة العذاب

مـــهـــاجـــر · شرس منا وفينا

مشكووووووووورة اختي

يعطيك العافية قلب

قلب مجربة العذاب · شرس منا وفينا

ياهلا ملفت الانظار ومشكور على المرور ....

تسلم مهاجر ومشكور على المرور ..