تصدقون ان البنات هاليوين انواع الهبال ومصرقعات مره
>>>>>>>>>>> يقصد نوعيات معينه من اللي نشوفهم بالاسواق والمطاعم
أنـــــــواع البنـــــــــات
1- فيه بنات ( قراوى )
2- وفيه نوع ( يسوون نفسهم موب قراوى وهم قراوى )
3- وفيه نوع مسوين فيها ( يااى بزياده ) وعلى بالهم هاى كلاس مارا مارا
( يعنى مره مره بس بطريقتهم )
ان كان يهمك تعرف هالانواع ووش تصنيف كل وحده فيهم .. تعال معي واعلمك عنهم اعلمك ردة فعلها على كل موقف ( بس كل معلومه بخمسه يورو )
ههههههههههههههههههههههههههههههه
ههههههههههههههههههههههههههههههه
اولاً :- المواصفات و المعلومات عامه
الياى :
ماتتغطى على بالها محد يهمها والمكياج ياربييييييييه وش ذا الزين وش ذا الحلااااااا تهبل كنها قمر خمس طعش
ههههههههههههههههههههههه
هههههههههههههههههههههه
( لكن ان كانت توها صاحيه من النوم اى هين تكشف انواع الخشوم والعيون المتنفخه )
المشيه فيها هزه كنها راكبه جمل..ماعندها توافق عقلى عصبي في مشيتها
من رواد اليورمارشيه والجزيره والفيصليه والمملكه والاندلس والعروبه بلازا
والمطاعم ..مكدونال وهرفي و كودو ويامال الشام وبوفيه الصاج الكوحلي للفلافل والصبه والفول القلابه
هههههههههههههههههههههههه
هههههههههههههههههههههههههه
ثانياً :- الاهتمامات
الياى :
فلانه خطبها امير ؟!!
تمارين رشاقه ودايت قبل الصيف
ودى اتحجب هالسنه ومتى ابطل تشاكليت
اللى هى قرويه بس مسوى فيها موقرويه :
فلانه طلقها زوجها
ابي اروح السوق عندى مقاضي
مسلسلات مصريه وكويتيه وتكلم 24 ساعه
القرويه :
تروح زواجات
تروح الخياط وتحط حنا فشعرها اللي كله عكرايش يعني فلافل( يععع ) وحقت طبخ
ثالثاً :- اول ماتعرفها .. نوعية المواضيع اللى تحكى فيها معك :
الياى :
عن وين سافرت اجازة الحج .. عن انها تبي تاخذ تان وتغير ستايلها .. عن ابوها وشركاته
اللى هى قرويه بس مسوى فيها موقرويه :
عن الشباب ومضايقاتهم .. عن انها دايم تغير موبايلها .. عن خطابها وكثرتهم
القرويه :
عن طلاق اختها .. عن ابها وجوها .. عن اخوها انه مايوديها للزواجات
رابعاً :- لاجت تواعدك علشان تشوفون بعض :
الياى :
تواعدك فالكواترو فى الفورسيزن .. والا تجيك بسيارتها ( والسواق وده يلعن خييرك )
اللى هى قرويه بس مسوى فيها موقرويه :
تواعدك فى الفيصليه ( ومعها كل خواتها ) .. والا تروح تاخذها من بيت صديقتها فى الروضه
القرويه :
تواعدك فى شاليهات الديره ( الثمامه ) ... والا تروح تاخذها من عرس
( انواع الروائح بعد الرقص )
هههههههههههههههههههههههه
خامساً :- اذا بغت تتفشخر و تدعى عليك :
الياى :
تقول تصدق انو بابا يبي يغير البي ام حقى يقول خلاص له سنتين معك بس انا ماابي حبيت سيارتى خلاص احسها جزء منى ( بزعمها مايهمها )... والا تقول ههههاى الكردد حقى مافيه الا عشرين ريال انا مفلسه ( بزعمها واثقه من نفسها ) .. والا تقول ماما خيرتنى بين ساعه الماس والا تسفرنى ويك اند بيروت وش رايك؟
اللى هى قرويه بس مسوى فيها موقرويه :
تقول شركة الاتصالات حراميه بزود تونى مسدده فاتورة جوالى 5 آلاف... والا تقول هالسنه محتارين نسافر القاهره و دبي والا نروح ماليزيا و تركيا .. والا تقول كل اسبوع لازم نروح الاستراحه .. والا تقول انامليت وانااعزم صديقاتى فى الفيصليه ابي اغير وين اعزمهم ؟
القرويه :
تقول والله تونى شارية جوال ابوكاميره ( بزعمها قوه لوول ) .. والا تقول ابوى بيودينا لابها والشرقيه وحنا نبي سوريا .. والا تقول ياخى سواقنا ذا الاندلوسي وش زين سواقته ( بزعمها ماتطلع ماخوها )
هههههههههههههههههههههه
هههههههههههههههههههههه
سادساً :- اذا قلت لها عرفى بشخصيتك او ميولك :
الياى :
انا انسانه ابحث عن كيانى .. اكره القيود .. محد له سلطه على الا عقلى .. اسمع فيروز و كاترين برادا وكلاسك ميوزك .. احب الرجل يكون شكله شرقى لكن له مايند غربي
اللى هى قرويه بس مسوى فيها موقرويه :
انا صريحه .. اسمع راشدالماجد ..واحب الشعر .. برغم كثر مايخطبونى لكنى ابي زوج مثل خالد الفيصل .. عيبي طيبتى .. واموت فى (احمد السقا ) الممثل المصري .. غيوره حتى من نفسي
القرويه :
لازم تقولك ابقوم احط لى عشاء.. تتصل عليك فاليوم 450 مره .. كل شوى تدبج فى ولد اختها وهى تكلمك .. تطلع السطوح تصلح الدش وانت معها على الخط .. ماتخلو اى مكالمه من الاهات والتنهدات.. تقولك ليش ماتتوظف ؟
ههههههههههههههههههههههه
هههههههههههههههههههههههه
تاسعاً :- لين بغت تتركك لاى سبب :
الياى :
تقولك : ماعاد احس ان فيه بيننا كونكشن روحى .. وبليز اذكرنى بالذكر الكويس عند الناس واعتبرنى سحابة صيف
اللى هى قرويه بس مسوى فيها موقرويه :
انا انخطبت ..ولو سمحت رجع صوري اللى خذيتها في عيد الحب .. وحطها لى في المناسبات
القرويه :
اهلى كشفونى .. وتكفى رجع الدوب اللى شريته لك من اليورمارشيه
ورجع اشرطة خالد عبدالرحمن اللي اخذتهم مني
ههههههههههههههههههههههه
هههههههههههههههههههههههه
عاشراً :- اذا تركتك فتره طويل ورجعت الفضاوه واشتاقتلك :
الياى :
تحط لك على الفويس ميل( ياى عالفويس ميل) اغنية ( هاو كان اى كاتش يو )
وترسل مسج مكتوب فيه:
اى نيد سم ون
هى ونت مى
بت .. ووال بتوين اص
وير ازت ؟
اى لوزت ؟
>>>>>>>>>>>>>> راح فيها صدى والمهند مع العنقليزي ابوك يالعنقليزي
هههههههههههههههههههه
ههههههههههههههههههه
اللى هى قرويه بس مسوى فيها موقرويه :
تكلمك صديقتها تقولك كلم فلانه ضرورى مسئلة حياة او موت
وتتصل عليها .. تقولك انا ماكلمتك الا محتاجة لك فعلا .. عندى مشاكل وتعبانه نفسيا.. اعتبرنى اخت او صديقه ؟
القرويه :
تسجلك اغنية .. ابصملك على العشره وغيرك ماطرى ياشوووووووق
ههههههههههههههههههههههه
هههههههههههههههههههههه
وتدق عليك رنه وتسكر 250 مره .. لين كلمتها تقول وشدعوه هالتغلى .. ياخى العشره ماتهون الا على السم ، اااااااااااااه بس على الذكريات الجميله نسيت يوم نطلع انا وياك لحلة القصمان علشان اشري قمصان صيفي وكوره لولد اختي سلطانوه
هههههههههههههههههههههه
هههههههههههههههههههههه
امل انكم استانستم على هالحركتاااااااااااااات
ارسل: الاربعاء مارس 08, 2006 2:13 pm
ملفت الانظار
شرس بكل معنى الكلمة
اشترك في: 28 يناير 2006
مشاركات: 1059
المكان: مالكم دخل لقافه زايده!!! الجوائز: 1 (التفاصيل)
وانتي اي نوع منهم شكلك واكيد القروية وصحباتك ومعارفك من الثانين
عشاااااااااان كذا عارفه كل شيء ولا تنسبي اشياء زي كذا للبنات لان هذي حركاتك وحركات صحباتك ومعارفك
هههههههههههههههههههههه ههههههههههههههههههههه هههههههههههههههههه
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
فقع ضحك
