قصة طوييييييلة .. وبقلكم ايها بشكل مختصر
في بداياتي في البرمجة والتصميم وانا صغير يعني
سويت سكربت حق mirc دردشة .. وسميته ما ادري ليش الشرس
بعدين سويتله موقع واعجبتني تطوير المواقع اكثر من السكربتات
وصرت اطور بالموقع واتعلم .. وانتشر الموقع وما اقدر اغير اسمه الحين
لازم يكون اسم صاحب الموقع على اسم موقعه او (( يفضل ))
اقتباس:
- لماذا إخترتَِ منتدى الشرس لتنضم إليه ... ؟
كيف ما انظم اليه
اقتباس:
- لماذا في إعتقادك أن العضو الذي سبقك أختارك ... ؟
ما ادري ..
اقتباس:
- أين تقضي جل وقتك ... ؟
على الكمبيوتر او البليستيشن والتلفزيون قليل !
اقتباس:
- أين تجد راحة البال ... ؟
في غرفتي وانا جالس على الكرسي المريح مع جريدة الايام البايخة والمكيف شغال وكاسه قهوة من كوستا كوفي
اقتباس:
أين تجد نفسك في البيت ... ؟
انا اصغر واحد واصغر من اخواني بكثييير .. قد عيالهم تقريبا وامي وابوي مو متشددين معي لانهم ملّو من العيال وقرفهم .. في الغالب اذا اي شي الكتروني يبيله تصليح او كمبيوتراتهم خربانه او يبون اي شي له خص بالتقنية والالكترونيات يتصلوا فيني وانا اضبطها لهم ..
اقتباس:
أين تذهب لو أعطيت إجازة اليوم ... ؟
هممممممم .. يمكن اروح بيتنا في اربد في الاردن ليوم واحد اسلم على الاهل وارجع
اقتباس:
- من علمته الرماية فرماك ... ؟
همممم .. واحد من اصدقائي ما ابي اذكر اسمه
اقتباس:
من يعجبك من أعضاء منتدى الشرس .. (( عضو واحد فقط )) ... ؟
والله كلكم على راصي بس يمكن اقول .. الامبراطور
اقتباس:
من هو صديقك الصدوق ... ؟
اصدقائي كثير وفي المدرسة كل يوم امشي مع واحد في الفسحة .. لكن اعتقد الصديق الصدوق هو اللي علمته الرماية فرماني .. ولا ابي اذكر اسمه
اقتباس:
من أى شئ تغضب ... ؟
.... اذا فصلت الانترنت بتلكو .. واذا ضيعت وقتي في اماكن ما تستاهل اضيع وقتي فيها .. واذا كان بامكاني اجيب درجة احسن في احدى المواد وما سويت فيها زين
اقتباس:
متى تبكي بحرقه ... ؟
زي ما قال الخيال : اذا فقدت انسان غالي على قلبي
اقتباس:
- متى تجلس لوحدك ... ؟
اغلب الاوقات
اقتباس:
- متى تقول لا ... ؟
لا كلمة شائعه بس اذا تقصد لأ بقوة .. اذا مقتنع في شي انه غلط ! وغلط كبير !
اقتباس:
متى تكون أناني ... ؟
لما العب كرة
اقتباس:
- كيف تعيش يومك ... ؟
في الاجازة : انام يوم واسهر يومين او مو يوم يمكن حوالي 15 ساعه واسهر اليومين الباقية على الانترنت والبلستيشن والتلفزيون واطور في الموقع .. واذا حصل حد قالي امشي نروح مكان سينما ولا مجمع اروح .. وقليل اروح تخييم او نشاطات خربوطنيشية !
في ايام الدوام : احاول اضبط نومي في يداية الدوام لكن في الغالب انام 12 او 1 واصحى 7 وربع يعني لما تبدأ الحصة الاولى واتأخر عن المدرسة حوالي ربع ساعه او اكثر .. وهذا سببلي مشكلة مع المدارس اللي رحتها كلها .. الا ان يقولولي انت شاطر وكذا وما يفصلوني الا لما كنت في 3 اعدادي فصلوني يوم وبعدين 3 ايام وبعدين خلصت المدرسة وما سووا اكثر .. انا الحين ضارب صحبة مع المسؤول عن التأخير وما يسجلني ودايم يدخلني الصف والمتأخرين يسجل اساميهم ! وبس .. لما ارجع البيت احل واجباتي بس واقعد على الكمبيوتر لليل وكذا .. حتى يجيني امتحان ادرسله اليوم كله ولا اقعد على الكمبيوتر واسوي في الامتحانات زين .. وهذا اللي يرفع درجاتي
اقتباس:
- كيف تنظر لمستقبلك ... ؟
قل لن يصيبنا الا ما كتب الله لنا لكن الحمدلله ان شاء الله انا واثق اني بسوي زين
اقتباس:
- كيف تنظر للمرأة (( إذا كنت عضو )) ... ؟
هذا موضوع بكامله ممكن اكتب فيه تعبير 10 صفحات ولكن المرأة نصف المجتمع والله زي ما خلق الذكر خلق الانثى .. بالرغم من الخبث اللي في دماغها .. الا اننه يجب ان لا ننكر قيمتها في المجمتع وانها بدونها لا تكتمل الحياة البشرية .. بصراحة لا اجد فيه فرق بينها وبين الرجل بتاتا .. ولكن ممكن في الطباع بس ولازم انه لها زي حقوق الرجل في المعاملة والراتب وغيره .. زي ما عطونا في مققرر الدين .. للمرأة والرجل نفس الغرائز وسبب الخلق والحقوق وغيرها كثير مو متذكرها .. واستغرب ليش ما تخلوها تسوق في السعودية
اقتباس:
في عصر العولمة الحالي (( ما رأيك في حب الإنترنت )) ... ؟
حق للجميع والكل لازم يحب الانترنت يجمع الدنيا كلها سوا .. واذا تبي اي شي ادخل الانترنت وبتلقاه مواعيد برامج - مواعيد الافلام - اي سؤال عن اي شيء .. كلشيء تقريبا موجود في الانترنت واللي ما يعرفه امي ومتخلف ..
اقتباس:
- يقال أن الحب يمحو جميع العيوب والأخطاء في المحبوب (( ما تعليقك )) ... ؟
انا لا أامن بالحب الا بحب الله والرسول اللي معاذ الله عندهم عيوب واخطاء .. وماهو الا تعبير وكلمة غبية جدا للمراهقين والباحثين عن شيء يمحو فراغهم وانا اصلا مو مسوي شغلات الرومنسية والخرابيط في المنتدى الا علشان اجيب زوار واعضاء (( سامحوني )) .. واللي يقولي حب الاب والام فهذا اصلا مو حب الا هو نوع من انواع الغرائز لا اكثر ولا اقل ..
اقتباس:
ما هو سر نجاحك في الحياة ... ؟
الدعاء .. دايما ادعو ربي .. بالرغم اني اقطع في الصلوات احيانا الا انني احس ان الله يحبني انا اقرأ قرآن كل ما سنحتلي الفرصة واحاول قدر الامكان ما اضيع صلوات وآآمن بالله والرسول واحبهم كثيييير ..
اقتباس:
ما أجمل مافي الحياة في نظرك... ؟
الانترنت واننا خلقنا في زمن بدون جهل وتخلف وفيه عندنا ملذات الحياة مو زي ايام زمان
اقتباس:
مالشيء الذي يخفى عليك في منتدى الشرس وتود ان تعرفه .. ؟
لا يوجد شيء اكيد طبعا
اقتباس:
- ماهو تخصصك العلمي
ممكن الرياضيات ولو انني ما سويت فيها زين اخر مرة لكن عطوني جائزة TIMSS على البحرين واحس نفسي متمكن من الريضايات وخصوصا المعادلات بصورة شبه كلية
اقتباس:
- هل أنت عاطفي ... ؟
ايه تقريبا اصيح بقوة اذا فقدت حد عزيز على قلبي او اذا شفت امي تصيح او ابوي ,, واتحسس من اتفه الاشياء علشان هيك اصدقائي ما يمزحوا معي مزح ثقيل علشان ممكن تنقلب لهوشة بسرعة
اقتباس:
هل صدمت بالخيانة من أعز أحبابك ... ؟
لا .. لحد الان
اقتباس:
- هل أنت فوضوي ... ؟
الحياة كلها فوضى .. وانا اكبرهم .. غرفتي في حياتها ما كانت مرتبة وكل شغلي على تطوير الموقع فوضوي والكمبيوتر كل ملف في مكان لكن اكيد مو وسخة .. فقط فوضى
تسأل لماذا لا نسمح للمرأه بالقياده في السعوديه لأن عاداتنا وتقاليدنا لا تسمح لنا بذلك تخيل تكون متعود على سواقه الرجل وفجأه ترى امرأه تسوق سياره وش حيكون موقفك وانظر الى الاثار السلبيه لسواقتها من غزل وازدحام في الشوارع وكثرة الحوادث
لا تقارن بين شعب السعوديه وغيره هذولي ياكلون الضبان كيف لو شافوا حرمه تسوق سياره لا تعليق
هيا يالمها وينك تعالي جاوبي لك المايك
ارسل: الاربعاء فبراير 08, 2006 6:54 pm
الخيال
شرس بكل معنى الكلمة
اشترك في: 11 اكتوبر 2005
مشاركات: 5071
المكان: في المنتــــــــــــدى الجوائز: لا يوجد
ارسلوا لها على الخاص
ارسل: الخميس فبراير 09, 2006 12:57 pm
THE KING
شرس بكل معنى الكلمة
اشترك في: 11 اكتوبر 2005
مشاركات: 1141
المكان: هنــــــــاك^^ الجوائز: لا يوجد
اعذرني أخوي الشرس اللي بجاوب يجاوب الرجاء عدم كتابة
اسم العضو اللي بعدك لان الموضوع له 3 أيــــــام والاخت ماردت
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
