لما يكون في عزيمة ...والكل مستعد وتجهز....ويطلعون برا وينادون السواق
وأخيرا يلقون السواق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة
( يا ليتني ولد )
----------------
والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين بلوت
وضحك وبسطة
والبنات اللي معهم جوالات ويروح رجاها بالهوا :sm 140:
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية
( يا ليتني ولد )
----------------
وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخوتي ياحلوين تامرون على شيء قبل ماأروح
إيه
سموا
تبادل
ايش
( يا ليتنا أولاد )
----------------
ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ...اليكر ...نواف ....حبيب البيت ......وبرا البيت
_____________
قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا صرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لاأحد يرفع السماعة طيب......
( يا ليتني ولد )
----------------
طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كيئبة ومملة بشكل كبيييييييير
والسواليف أغلبها تقتصر على
لبست...شرت ...انخطبت ...تزوجت....حملت....سافرت
وتلاقي درجة الغلينا عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب الزم كل ذي الهذرة-
من بتكلمين نهى ...مو لازم بكرة بتشوفينها بالعزيمة ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
__________________________________
طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعرض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف
( يا ليتني ولد )
----------------
لو أني ولد ...
أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والااعشيهم على حسابي
والا أفاجئهم بتذاكر لمكة عشان ناخذ لنا عمرة
(او ناخذهم ونروح لاي مكان مكتوب فيه (للعائلات فقط
وادخــــــــــــــــــــله
معقوله هذا اللي الشباب يتذمرون منه......اثاري دخوله سهل .........وسهل مررررررررررررة
مساكين الاولاد مايدرون انهم بيننا مثل الملوك
طبعا بعد كل هذا اقولكم انه يمكن تقول البنت ذا الكلام بساعة تفريغ وطفش
بس اكييييييد احنا البنات ميييييييين قدنا؟؟؟؟؟؟؟؟؟؟؟؟؟
ارسل: الاثنين نوفمبر 28, 2005 2:43 pm
tupac
شرس مشرف سابق
اشترك في: 08 اكتوبر 2005
مشاركات: 3762
المكان: في الهواء العليل الجوائز: لا يوجد
مشكورة
مينهم عباقرة العالم
مينهم دكاترة العالم
مينهم الي يخاطبهم القران بضميرهم يعني للذكور
مينهم ال وال وال وال
اشياء كثيرة
ارسل: الاثنين نوفمبر 28, 2005 2:47 pm
مـجـروح
شرس مشرف سابق
اشترك في: 18 يونيو 2005
مشاركات: 5182
المكان: llـــiiiـــR قـــيـــh الجوائز: لا يوجد
مشكوره اختي على الموضوع الرائع
ارسل: الاثنين نوفمبر 28, 2005 3:19 pm
بنت السعوديه
شرس مشارك
اشترك في: 26 اكتوبر 2005
مشاركات: 334
المكان: عند شواطئ الأمل الجوائز: لا يوجد
توباك ياسلام عليك
يعني تقصد الانثى مالها اهميه
مو معنا كلامي
ان الانثى على الهامش بالعكس تماما
وعلى العموم تسلم على المرور
"
وتسلم مجروح على المرور والرائع هو مرورك
"
دمتم بخير
ارسل: الاثنين نوفمبر 28, 2005 3:35 pm
الإمبراطور
شرس مشرف سابق
اشترك في: 27 سبتمبر 2005
مشاركات: 2784
المكان: كرسي الحكم الجوائز: لا يوجد
أول شيء مشكووووره على الموضوع الحلو
ثانيا طبعاَ ثلاثة أرباع الأرض علماء ولقد فضل الله الرجال على النساء
حتى في المال (( الورث بالأصح ))
ولكن النساء لو مو موجدين في الأرض ما كان فيه حياه
أنتم تعرفون ليه مافيه حياه لأن ... إلخ
ارسل: الاثنين نوفمبر 28, 2005 3:39 pm
بنت السعوديه
شرس مشارك
اشترك في: 26 اكتوبر 2005
مشاركات: 334
المكان: عند شواطئ الأمل الجوائز: لا يوجد
كل واحد يكمل الثاني مثل مانعرف
مافيه حياة بدون رجل ومافيه حياه بدون انثى
وتسلم على المرور
ارسل: الاثنين نوفمبر 28, 2005 3:39 pm
الإمبراطور
شرس مشرف سابق
اشترك في: 27 سبتمبر 2005
مشاركات: 2784
المكان: كرسي الحكم الجوائز: لا يوجد
مافهمت إيش القصد
ارسل: الاثنين نوفمبر 28, 2005 4:13 pm
tupac
شرس مشرف سابق
اشترك في: 08 اكتوبر 2005
مشاركات: 3762
المكان: في الهواء العليل الجوائز: لا يوجد
يعني
الرجال خلقن للنساء والنساء خلقن للرجال
ارسل: الاثنين نوفمبر 28, 2005 4:21 pm
بنت امها او ابوها
شرس مشارك
اشترك في: 25 اكتوبر 2005
مشاركات: 348
المكان: البحرين الجوائز: لا يوجد
شكرا على الموضوع
الامبرطور
اعتقد ان في المدرسة يعطوونا دروووس في اللغه العربيه
متفرغييين .. الانثى نصف المجتمع شئتم ام ابيتم لكن بعض النواحي تخليها اضعف من الرجل ..
اما اللي يجي يقولك الرجل مثل حق الانثيين وغيرها يقول الرجل احسن من المرأة فهو غلطاااااااااان ..
كان في هذا حكمة من رب العالمين لان الرجل هو القوام على المرأة ويصرف على البيت وكذا .. والمرأة زوجها يصرف عليها لانها ضعيفة ولا تقدر العمل بقدر الرجل 100% .. ولا يعني هذا ان الرجل افضل لان المرأة افضل من نواحي اخرى كثيرة !!
الشغله نسبة وتناسب .. ولا تقولي نفسك تصيري ولد يا بنت السعودية لانك كبنت لك واجبات وحقوق وشغلات ما يقدر يسويها الرجل يجعلك افضل من الرجل من بعض النواحي !! وتأكدي ان الله خلقك كبنت لسبب
قال تعال : (( وما خلقت الجن والانس الا ليعبدون )) صدق الله العظيم !!
ارسل: الثلاثاء نوفمبر 29, 2005 4:39 pm
الفايروس
اشترك في: 18 يونيو 2005
مشاركات: 2346
المكان: الشرقيه الجوائز: لا يوجد
مشكوره عالموضوع الحلو
ارسل: الاربعاء نوفمبر 30, 2005 6:15 pm
بنت السعوديه
شرس مشارك
اشترك في: 26 اكتوبر 2005
مشاركات: 334
المكان: عند شواطئ الأمل الجوائز: لا يوجد
[quote]
اما اللي يجي يقولك الرجل مثل حق الانثيين وغيرها يقول الرجل احسن من المرأة فهو غلطاااااااااان .
[quote]
بقوه صدقت
اقتباس:
ولا تقولي نفسك تصيري ولد يا بنت السعودية
لا بقول لأني فعلا أتمنى اني أكون ولد, وحريتي بأيدي ,
والأسباب كلها كتبتها ما يحتاج أقولها مره ثانيه
وشاكره لك مرورك
"
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
متفرغييين .. الانثى نصف المجتمع شئتم ام ابيتم لكن بعض النواحي تخليها اضعف من الرجل ..
صدق الله العظيم !!
