المووووووووووت

الموت فيه الياس يغلب للآمال
وتقنع بياسٍ خضت عرضه وطوله
تقنع لو الواقع أليمٍ بالاحوال
دامك تشوف بنون عينك نزوله
مير البلا اللي تجهله وين نزال
تركض ورى الآمال وتدور حوله
لاميسٍ منّه ولاراجي وصال
بين الرجا والياس جوله وجوله
اسمع صدى صوته تراديد موال
بالذاكره برمج بعهد الطفوله
ومن غاب مدري لاية بلاد رحال
ولازلت مدري وينه آخر وصوله
تفضح عيوني دمعتي بالتهملال
والجسم زايد من فراقه نحوله
لو جيت ابسأل قيل وش صار للحال
وتكثر شماتة ناس حولي وحوله
يكثر شماة مدوره كثر الاقوال
اللي بكثر الهرج شانت فعوله
وبعض الكلام ابذرة القلب زلزال
ينفض معاليق الحشا في نزوله
ولو كنت انا من غيبته عشت بهبال
معذور يستاهل ولع من سعوا له
قمر عطاه الله من الزين مانال
من الحلى كل الصفات امنحوا له
له هيبةٍ في نظرته سهمها طال
قلبي وروحي بالخفوق افلتوا له
شلع وانا في ماقفي لي تهلال
بس الله اذكر من صفاتٍ ينوله
واقفى ولاذا اليوم باقي على البال
ولادري باي بلاد والا أي دوله
بس انتماءه حائليه من اجيال
على الشرف والعز فرع واصوله
ولها خفوقي دايم الدوم يجتال
اكن لكن يفضحن في عزوله
وانا بها مولع ومغرم ولازال
ماحيد لو ان العواذل عذوله
عندي امل لو الشقى بيد الحال
ان الولي يبيجمعن به وانوله
عايش على آمالي لو الصبر قتال
ابحث على تلك الفتاه الخجوله
المالكه لاصناف الحلى انواع واشكال
المتمكنه من خافقي في سهوله
اللي بها ليل الشقا بخافقي طال
وانا على الامال راجي وصوله