وحدى وانا سهران
والنوم ف عيــونى
بيــداعب الاجفان
والذكريات بتمر
خاليه ومن غير شر
وحاجات بعيشها زمان
فى يقــظة الاحلام
أيام ماكان البشر
من زمرة الانسان
وكان ياما كان
فى سالف الأزمان
كان فيه صحاب وجيران
عايشين على الفِطره
بيوحدوا الرحمن
ويصللوا عالعدنان
وقلوب كدا خَضره
وطيبين برَرَه
وياساقى دِى الشجره
هات لى معاك بَقَره
تحلب وتروينى
يِرْجَع ضيا عينى
وأشوف ليالى زمان
أيام ماكان البشر
فيه الكرم ألوان
سهران انا وحدى
أشكى ف نار وجدى
والدمع على خدِّى
بينعى ف اللى كان
والليل عليَّا طااال
بالذكرى والأثقال
وصبرى زهــق منِّى
وساعة وُجُوب الفجر
فيه شىء لفت نظرى
لاسمعت صوت ابتهال
ولا آيه م القرآن
قلت أنا الغلطان
بصيت فى ساعة اليد
لاقيتها ماشيه تمام
والميــــعاد عالأد
فقمت واتوضيت
ورفعت صوت الأذان
وأقَمت انا وصلليت
ولمَّا صبح الصباح
سألت أيه الخلل
قالوا شكوى من كم بيت
فمنعوا صوت الأذان
ف مكبرات الصوت
وعيب وهم نايمين
يتكسَّر الإتيكيت
قلت القرار دا منين !!
قالوا م الدوله
والدوله اهى مقاوله
شغاله وعــــلاوله
بسياسة المساخيط !!
ويكفَّروا العفريت
انا قلت هوّا السبب دا
للخراب فى البيت
وبعِزم صوتى ناديت
الله أكبر الله اكبر
ياشعب يامعلم
ياأخرس اتكلم
لأى وقت هاتبقى
مخنوق ومتـــلَجِّم
ياطير جريح مغبون
من غير جناح موزون
والدنيا صابها سكون
والوكر مش مأمون
وضالل طريق الغيط
ورجعت تانى نويت
وبركعتين صلليت
للاله ودعيت
ساجد لرب البيت
ومن نن عينى بكيت
ترجع ليالى زمان
يرجع لنا الاحسان
والتقوى والايمان
يايقوم عليها طوفان
ويحطم الاصنام
ويعود زمان اللى كان
فيه البشر انسان
بيوحد الرحمن
فى السر واللإعلان
