السلام عليكم ورحمه الله وبركاته انا عندى 20 سنه انا بصراحه مش عارفه ابدا منين انا بحب انسان من 7 سنين واحنا نعرف بعض عن طريق العائلات ومافيش بينا كلام خالص الا لما بتتقابل العائلات وده كل فين وفين هو كان فى ايام ثانوى كويس اوى معايا وعلى فكره هو فى نفس سنى المهم كان كويس معايا وبيهتم بيا ولما يشوفنى متضايقه يسالنى مالك ويفضل معايا ولما ماتجيش فرصه عشان نتكلم يقولى انا نفسى اتكلم معاكى بس مافيش فرصه بس كان دايما يبعتلى رسايل على الموبايل ولازم تكون فيها كلمه صداقه حتى لو فى الرساله كلمه انت فى قلبى لازم يذكر فى نهايه الرساله صداقه فانا احترت بس قولت لنفسى هو عارف انى محترمه ومش بتكلم مع الولاد وعارف انى بقول لماما كل حاجه فقولت خاف يقول حاجه فيها حب عشان ماتحصلش مشاكل وفى نفس الوقت عايز يقرب منى كصديقه وانا دايما بكون قليله الذوق معاه مش عارفه ليه لما بقعد فتره طويله مابشوفوش بيكون واحشنى اوى ولما بشوفه وبيكون مشغول باى حاجه غيرى بحس انى هتجنن ولما بييجى يكلمنى برخم عليه وهو بيزعل بس بيرجع ينسى ونتكلم عادى وفي يوم شدينا وانا اخدت على خاطرى اوى وهو قعد يرنلى ويبعتلى رسايل بس انا مابرنش عليه ولاببعتله حاجه المهم وقف الرن وبعدين بعد فتره طويله اتقابلنا وكان متغير معايا اوى وكل شويه مش عاجباه اى حاجه بعملها ولما نييجى نلعب كل الشباب مع بعض يرخم معايا ويمشى مايلعبش وانا كنت هتجنن هو بيعاملنى ليه كده ولا كانى موجوده والاهم بقى واللى خلانى منهاره من يومها انه وقف ورايا وقعد يتكلم مع بنت ويقولها كلام حب وانا كنت حاسه ان الارض مش شايلانى ومش عارفه هو ده بجد حب ولا بيغيظنى ولا ايه بالضبط وازاى اعرف انه بيحبنى ولا لا لانى محتاره اوى وياريت فى حل غير انى اصارحه وانا مابعملش حاجه غير انى بدعى لربنا انه يحبنى زى مابحبه ويكرمنى بيه ياااااارب
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
