>>>>
>>>>
>>>>شلون تعرف اذا كنت بالكويت ولا لأ .
>>>>
>>>>
>>>>إذا كنت بالشارع و شفت واحد حاط أغاني انجليزية و مطول عليها و مو
>>>>فاهم شي من الاغنيه .
>>>>
>>>>
>>>>
>>>> لما تشوف واحد عنده سيارة كشخه وما عنده دينار حق البانزين .
>>>>
>>>>
>>>>لما تمشي بالشارع وتشوف الهنود اكثر من الكويتيين خاصه عند دوار
>>>>الشيراتون .
>>>>
>>>>
>>>>
>>>>لما تروح اي مكان ترفيهي وتلقى لافته على البوابه و مكتوب عليها
>>>>بالخط العريض للعائلات فقط و معنى العائلات
>>>>
>>>>
>>>>أي شاب + أي فتاه .
>>>>
>>>>
>>>>لما تشوف المدرسه او بالعاميه الأبلة بره البيت تقوم بدورها على
>>>>أكمل وجه أما بالبيت تحتاج منو يربيها .
>>>>
>>>>
>>>>
>>>>لما تروح الملاعب وتشوف ثلاث انواع من الجماهير : النوع الأول
>>>>رايحين حق الجوائز و السيارات, والثاني حق السب و الشتم ترويحا
>>>>للنفس, والثالث رايح حق المسيرة اللي بعد المباراه أما المشجع
>>>>الأصلي قاعد في بيتهم وما يروح الملعب عشان ما يشوف هالأنواع
>>>>الثلاثه .
>>>>
>>>>
>>>>
>>>>لما تمر يم الروضة وتشوف ان الخدامات و السواق اهمه اللي يوصلون
>>>>الياهل و يبوسونه و يودعونه والياهل المسكين يبجي عشان بيبتعد عن
>>>>الخدامه 6 ساعات
>>>>
>>>>
>>>>لما تروح الجامعات وتشوف الغايبين دبل اي اكثر من الحاضرين
>>>>والحاضرين نصهم نايمين .
>>>>
>>>>
>>>>اذا مشيت على البحر بجو رومانسي وشفت شلة هيلق يمشون يمك و يغنون
>>>>جنهم سكارى .
>>>>
>>>>
>>>>
>>>>اذ شفت واحد كبير ماسك إيد بنته ويمشي ترى هذي صج بنته واهي مستانسه
>>>>يعني شوفوا ترى هذا ريلي .
>>>>
>>>>
>>>>
>>>>اذا شفت زهيويات كبار يتمشون على الأرض ترى هذولا بنات متحجبات
>>>>ومطلعين قذلهم جنها قرون استشعار
>>>>
>>>>
>>>>اذا شفت البنات يتحرشون بالشباب والشباب مو معطينهم ويه .. يبه
>>>>والله عيب .
>>>>
>>>>
>>>>
>>>>اذا شفت الناس لابسين نظارات شمسيه بنص الليل .
>>>>
>>>>
>>>>
>>>>اذا شفت ياهل بالمتوسط بإيده زقارة وبطل بيبسي .. يعني انا ريال .
>>>>
>>>>
>>>>
>>>>اذا شفت شباب جياكر وكل واحد صابغ خصلة من شعره .. يعني انا ستايل
>>>>
>>>>
>>>>- اذا شفت واحد ماسك إيد اخته ويفتر فيها بالمجمعات .. يعني شوفوا
>>>>ترى هذي رفيجتي .. خو جاكينكم .
>>>>
>>>>
>>>>
>>>>اذا شفت وحوش تتمشى لا تستغرب ترى هذيل بنات كويتيات حاطين مكياج .
>>>>
>>>>
>>>>
>>>>اذا شفت واحد كاتب ايميله على السياره .. يعني يكون كاشخ مع الويه
>>>>ترى نص الكويت عندهم ايميلات
>>>>
>>>>
>>>>اذا كنت تتمشى و مرت يمك ذبانه كبيرة لا تستغرب ترى هذي وحده جيكرة
>>>>حاطه عدسات .
>>>>
>>>>
>>>>
>>>>اذا شفت واحد مجسم و موقادر يتحرك جنه قبقب يعني يا بنيه ترى انا
>>>>قوي .
>>>>
>>>>
>>>>
>>>>لما تشوف كل هالاشياء مع بعض تأكد اميه بالاميه انك باالكـــــوويت
>>>>
>>>>
ارسل: الاحد مايو 14, 2006 11:35 pm
Blue
زائر
هههههههههههههه
شكرا هلى الموضوع
blue
ارسل: الاثنين مايو 15, 2006 4:08 pm
LOVERS232
شرس مشرف منتدى
اشترك في: 12 مايو 2006
مشاركات: 814
المكان: الكويت - سورية الجوائز: لا يوجد
مشكور على ردك يا blue >>>
وأن شاء الله تعجبك مواضيعي الأخرى ... وإذا في شي ما حلو فيهم ... ياريت تألي علشان هي أعتبره نصيحة ..
شكرا ..
عدل من قبل LOVERS232 في الاثنين مايو 15, 2006 4:10 pm, عدل 1 مرة
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
