هااااااااااااي شله <====== اقول الثقل زين
كيف احوالكم عساكم طيبين <======= اخلص وش تبي
هذا الله يسلمكم ويحفظكم لعين ترجيكم
جاني السهم وقال لي وش رايك نروح للراشد منها نتسوق ومنها نشوف وجيه متسنعه
قلت طيب بس انا وياك؟
قال : معنا المقلع وزارع
قلت امحق .. اسمائهم ما تساعد يالله مشينا
المهم وحنا نتمشى وطبعا انا ما غير اناظر للي رايح واللي جاي <=== مو شايف خير
ما دريت الا ووقعت عيني على عينها
بصراحه ما قدرت اقاوم سحرها فأخذت دقات قلبي بالازدياد كانها مرواس عراقي
فأبتسمت لها وحينها
قال السهم : شفتها؟
قلت : ايه شفتها لكن بنظره خاطفة <====== اخص يالشاعر
لكن تهقى اصيدها ؟
فقال زارع : تبطي يا بعدي ناظر لها كأنها شايفة نفسها اكيد ما تقدر عليها
فقلت له : هذا النوع اللي يعجبني لأني من النوع اللي يحب العنيده
فقال المقلع : تراهن انك ما تقدر تصيدها
قلت : اراهن من خمسة ريالات<========= ولد فقر
المهم قلت للمقلع اسأل عنها شكلها مو من عربنا <======== اخص يالخبره
فقال السهم وش لون عرفت ان ماهي خليجية
قلت يا بعد خشتي ناظر الجسم وانت تعرف
المهم جا المقلع بعد عشر دقايق ما دريت الا وعجته تسبقه وهو ينافخ ويقول الحق يا بعدي تدري وش جنسيتها؟
قلت اخلص علمني
قال ايطاليه
ول عليك ما تطيح الا بالايطاليات اثريك منت بهين انا اشهد ان عيونك زرق <===== يعني يمدح
بصراحة لما عرفت انها ايطالية قام الشيطان وواحد ثاني ما اعرفه يفحطون فوق خشتي وما غير يقرقون على راسي
وقلت خوش صيده لكن خلني اتمعن فيها يمكن ما تصلح
خبركم يقولون ان جمال الايطاليات باهت<========= اخص يا الخبره
ولما قربت منها وشفت الحلا قلت بنفسي خلالالالالالالالاص ابيييييييها
فقالوا لي الشباب تقرب منها ولا تنسى تغريها بفلوسك <======== هذولا الاصحاب والا فلا
فأخذت اقرب منها واحوم حولها فقلت خلني المسها
وقبل ما المسها الا وذاك المصك ( كنه آرنولد شوارزينجر ) يسألني آمر تدلل وش تبي؟
بصراحة انتابني خوف وامل
خوف من انه يدبغني ذيك الدبغه اللي يخليني اجذف ( ارجع ) حليب امي اللي شربته يومني صغير
وأمل من اني راح احصل عليها
فجمعت ما بقي معي من شجاعة وطبعا تسلفت من شجاعه السهم اخبره قوي فقلت ابيها
فقال يا بعدي هذي ثمنها غالي
وحينها عرفت انه موافق على عرضي <========== ذكي هالولد
فقلت / له بكم تعطينياها ؟
فقال / بالأول المسها يمكن ما تعجبك
فما صدقت خبر الا وانا احط يدي على جسمها واتحسسها
اهب يالنعومه
وكل ما المسها تجيني قشعريرة وما دريت الا قاضبن يدي وهو يقول انت تبيها والا جاي تتلمسها ؟
طبعا انا زرطت العافيه وقلت / بكم تبيها؟
فقال / اعطني250 ريال !!!!!
فأعطيته الثمن بدون ما اكاسره لأنها تسوى اكثر من كذا
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
فأخذها البائع وحطها بكرتونتها واعطانياها
بعدها طلعت للشباب وانا طاير من الفرحة
فقال لي زارع واخيرا اشتريت هالجزمة الايطاليه
كخخخخخخخخخخخخخخخخخخخ لا يكون تفكيركم راح لبعيد
تراني اقصد (( جزمه )) الله يكرمكم
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
