كح كح كححححححح كح
:
:
:
سلامتكم بس فيني كحة شوي ..
يالله حيّــــهم..
يالله ان لا تصبحهم الا بكل خير وصحة وعافية ..
أخباركم ؟؟ ووشلونكم مع ذا البرد؟؟
بابربر لكم عن روما نجد واسمعوني لا بكف >>اسلوب 2006
وأول حاقة روما نجد للي يجهلها هي شقرااء وماجاورها "وشيقر " >>احلفي بقوة
~~نووووبذة عن روما نجد ~~
>>> +موسيقي تصويريه هع
هي إحدى مدن نجد الواقعه في نجد >>لاياشيخه
والتي تقع في المملكة العربية السعودية
يرطن سكانها بالغه العربية الام ولايخلو الامر من الاضافات والبهارات اللي حاست أم اللغه شأنها في ذلك شأن بقية المناطق في ربوع مملكتنا الحبيبة
مناخها حار أشهبن ألهبن صيفاً... بارد مزكم صرايم (على قولة الشقراويين ) شتاءً
تبعد عن العاصمة مسافة مدري كم كيلوا المهم انها ساعتين لاتدققون انتم عاد
ويحدها شمالا ...>>>هييييييييي يالعمة منب في حصة جغرافيا ترى
عالعموم وحرصاً على أنه لايكثر للإستزادة راجعي كتاب الجغرافيا للصف الخامس جيم صفحه 33 السطر الثالث
عاااد أقولكم حنّا في ثالث العيد شلينا شلايلنا وضفينا عفشنا وهجينا يم الديار اللي ذبحنا غلاها >>اللي ملت من كثر ماتقرا هالبيت تغمض موب لازم تشوفة
تصدقون عاد اننا بغينا نضيع فيذاك ونسونا أهلنا في منطقة مجهولة وبغينا نصير طعام للأسود المتوحشة والذئاب الشقراوية >>ألحين شقراء فيها أسود يالمعفنه
توني مابعد بديت مير ذا قام ينافخ يقول ياكثر بربرتس خخخخخخ
ارسل: الاحد ديسمبر 18, 2005 2:20 pm
المها السعوديه
شرس بكل معنى الكلمة
اشترك في: 09 نوفمبر 2005
مشاركات: 1505
المكان: الرياض الجوائز: لا يوجد
القصة ومافيها اننا كنا في منتزه هناك ترى مافيه الا هو الظاهر >>شكلي بانجلد
وتونا جايين من بران ودنيا ومتدربين في هالنفود لييييين قلنا بس
الموهيييييم إن اختي وبعض من المبزره اللطيفين قاموا يحلطمون اللي يبي فشار واللي يبي بيبسي واللي يبي مدري وشو
قمت انا بافزع انا ووجهي قلت خلاص بروح اجيب لكم من البقاله بس عساها موب بعيده عن مكانا اللي حنا فيه
قالت بنت خالتي المدهره لا ابد قريبه والله.... ياله بس خل نروح وباروح معك >>قاطة
قلت ياله اجل مشينا >>مسويه زعيمه هع
وتشوفني امي باروح قالت تعالي ياالمها خذي اختك معك وشوفي وش تبي
قلت ابشري
وآخذ ذا البزير معي انا وبنات خالاتي الأربع جوجو وسوسو وهوهو دربك دربك دربك >>هذا صوتنا وحنا نمشي >>حشى موب أوادم ذولي
والله ونمشي نمشي نمشي نمشي نمشي نمشي >>طيب متى بتخلصين
قلت لجوجو ماتلاحظين انها بعيده انتي وخشتك هذا اللي موب مبعدين !!
قالت لا لا خلاص شوي ونوصل >>>مسويه تدل هي كشرتها
والله ونوصل لبقالة الغفله وإلا مافيها الا هندي وشاب سعودي جاي يشتري ومعه بزرين مدري ثلاثه وحنا بسسسسسس >>قسم ارتعنا روعه الله لايعيدها
قلت بسرعه الله ياخذكم اخلصوا خذوا اللي تبون وانجزوا خلّ نحط رجولنا
وتقعد اختي الصغيره تشهوى بنت الحلال ابي حلاوة قطن ابي ذره ابي مدري وشو لين بغيت اصفقها بس مافيني حيل ركبي تصافق >>ليه بتصفقينها بركبك هع
واتلها واقول للهندي عطني لها فشار وببسي واتلفت والى البنات جحدوني وطلعوا ينتظرون عند الباب من الروعه هونوا ماعاد يبون شئ
واحاسب الهندي واحط رجلي الا خالتي تدق علينا
خالتي : المها جوجو معكم
أنا : ايه
خالتي : يعني ركبت معكم اكيد؟
أنا : وش ركبت معنا ؟؟ حنّا في البقالة الحين
خالتي : وجعن يوجعكم وش موديكم ؟؟ ترانا مشينا عنكم
انا : خير ان شاء الله وش مشيتوا وش ذا الجحده ؟؟
خالتي : ياله طيب بسرعه تعالوا اركبوا
انا : طيب خلاص لاتنافخين .. بعدين اصبروا لنا لاتمشون
ماخلصت السالفه دحدروا بعد لاهنتوووو
ارسل: الاحد ديسمبر 18, 2005 2:24 pm
المها السعوديه
شرس بكل معنى الكلمة
اشترك في: 09 نوفمبر 2005
مشاركات: 1505
المكان: الرياض الجوائز: لا يوجد
والتفت على البنات قلت هيييييييييي ترى اهلكم مشوا ياله نرجع بسرعه والله شكلهم ماجابوا طارينا
هم سمعوا ذا الكلام ماعاد شفت الا غبرتهم قسم بالله اشكالهم تفطس تخيلوا حريم طول بعرض ويراكضن في الشارع >>اشوى اننا موب في الرياض هع
والنقابات حدث ولا حرج العيون منطمسه والخشم يويق ومهنا الا شوي وتطلع الشفايف لو يكشفون اصرف خخخخ
بغوا يحفرون الارض من المراكض ذا الدببه
ويوم وصلنا للكابينه بس مابعد دخلنا دق الجوال وإلا هي خالتي الثانيه
خالتي( تنافخ وشكل ودها تلفعنا ) : وينكم فيه انتم ترانا مشينا
أنا : خلاص خلاص هذا حنا وصلنا عند الكابينه
خالتي : ياله بسرعه طيب
وناظر الا السيارات تغادر المكان<<<أحلى تغادر
من جد خفنا
والله وندخل لكبينتنا وإلا هي فاااااااااااااااااضيه مافيها الا السكن هع
ويدقنا الخوف وين راحوا أهلنا
أويلاااااااااااااه
وتلتفت علي سوسو وهي مذرقة تقولي جيبي جيبي الجوال وهي تصارخ شكلها يضحك هع >>والله اني فاضيه بعد لي خلق اضحك
ويقعدون يحلطمون الحين وشلون بنرجع لبيتنا ماندل ياربيه يعني تاليتنا بنضيع هنا >>مهوب وجيه طلعه ابد
و تبطبط دميعات أختي وتحلطم هي الثانيه معهم وتبتسي وتبكي >>ادري نفس بعض بس عشان الي ماعرف الاوله يعرف الثانيه
وبلشت فيهم صراحه >>مسويه ماخافت
وأدق على خالتي
وينكم رحتوا عنا
قالت يله يله جينا
الا ونشوف زول ذا الجموس
والسيارات الثانيه ونقعد نشاهق من الفرحه >>والله لو انكم ماركو لاقين أمة خخخخخخخخ
واللي تو كانوا يتراعدون من الخوف قاموا يهاوشون الحريم : خير ان شاء الله وراكم رحتوا عنّا الحين يعني ماتدرون انّا بالبقالة أصبروا لنا طيب موب طايرين ترى >> ياملح اشكالنا وحنّا نهاوش يعني انّا معصبين خخخخخخ
بس انا بصراحه عاذرتهم ليش يروحون ويتركونا اكيد ان الفصفص خلص عليهم وش يقعدون يسوون طيب >> فاهمه التنزة غللللط
الموهم جانا خالي الفاهي واخذنا قال بكل برووود انا كنت بجي اخذكم من عند البقاله وراكم رحتوا عنها <<< مافي امل يهاوش طبعا مدري وين حاط اعصابه >>ليته رانعتس هع
وركبنا معه و شهووووود ذا العص جالسة عليها جوجو مابينت الله يخلف لدرجة انها فاتشه وتاكل فشار محد يشوفها والله الفضاوه >>يالله لاتضيق علينا كل ذا حر بطن ياشهيد
ثمن عاد قلنا لخالي يمشينا في ربوع روما نجد
بس بلشنا مافيه اماكن نروح لها >>يحسبون روحهم بالرياض
لدرجه ان قلنا ودنا لبيت فلانه يقولون بيتهم جديد خلنا نشوفه من برا >>يالقفكم
وقال طيب..ياحبيله والله ذا المخفه <<<بتنجلد
وودانا سوق الثلاثاء( مايفتح الا الثلاثاء الظاهر هع ) وجوجو بغت تشتري طراطيع وفشلت مير عيا عليها
وصرنا بذا المشوارين لفينا شقراء كلللللها
وبصراحه ماودنا نرجع البيت الحين نبي لين تفضى الحمامات(اعزكم الله ) من الاوادم اللي بيتروشون فيها >>مايمديكم عالتفكير بس
قلت له تكفى رجعنا لبيت فلانة الجديد تراني ماشفته زين
بغى يرنعني بالدركسون بس ربي ستر تمالك اعصابة وقالي المها بيجيتس جلد ترى
ورجعنا البيت وتروشنا ولبسنا >>لاياشيخه احسبكم قعدتوا باروابكم خخخخخخخخخخخخخ
أنزلوا بعد وش وراكم خخخخخخخخخخخخخخخخخخخ
ارسل: الاحد ديسمبر 18, 2005 2:25 pm
المها السعوديه
شرس بكل معنى الكلمة
اشترك في: 09 نوفمبر 2005
مشاركات: 1505
المكان: الرياض الجوائز: لا يوجد
وبنفس الليلة كان وقت النوم عاد وقت النوم عندنا الصبح طبعا كل البيت ينام الا حنا نجلس ندوج ياله لك الحمد
صرنا ندخل غرفة المخزن ونسولف<<<يالله لا تضيق علينا
عاد بنت خالتي سحيلة ام الخلاقين وجوجو وشهود راحوا يقالهم بيفاجأونا لابسين لبس الله لايوريكم انواااااااااااااااع الترقيع وحاطين مكياج اللهم ياكافي
جوجو حاطه ظل احمر واسود ومسحب واصل لذنها وروج عنابي مكبره الشفايف وحاطه عليه قلوس<<<يقالك بتكشخ
وشهود حاطه ظل عنابي موصلته للحواجب مع اسود خفيف وروج واصل للخشم وراسمه حبة خال كبر قريح فوق شفّتها <<<مسويه لبنانيه
اما الثانيه عليها مكياااج تحفففففففه الله يرجها حاطة عنابي وفسفوري طبعا حوسه وراسمه عينها بكحل وفاتحته من عند الجوانب تقولين سمكه وزيادة على ذا نافشتن كشتها بعد
وحاطه الروج العنابي (متقاطين فيه ) وحاطه بسنونها نقطة روج الله يقرفها ههههههههههههههههههه
شييييييييئ قسم بالله مرجج ودي اني مصورتهم لكم >>احلفي
ونزلوا تحت وماتسمعين الا الضحك والصراخ لا وزيادة في ذا الحواق اللي مزينينه باعمارهم قاعدين يتراقصن باستبال وقسسسسسسم عيونّا دمعت من الضحك عليهم >>اعصابك طيب
لو جدتي شايفتهم بذا الحالة كان تقولهم بسم الله علي وعلى ذريتي ورا اشكالكم تسذا خخخخخخخخخخخخخ
مير اشوى ياحبيلها كانت نايمة >>اجل مثلكم يالمهبل
وهم لاهين بالهبال والرقص والتميلح دخل خالي العووووووود واختبصوا وتقوم كل وحده تغطي نفسها بجلال وتتوزا تحت الدرج
والباقين كل واحد واقف مكانه وماسك الضحكه
حتى خالي استغرب قام يناظر مستغرب وش فنيا
لين رقى ونام
ثم طلعوا مره ثانيه وكملوا رقص >>راعين طويلة والله
ورقوا يغيرون ويفركون وجيههم من ذا البربسة اللي معها كريم واللي صابون<<<محد حدكم والله خخخخخخخخخخخ
بس من جد أيام ولا أحلىىىى يازينها والله ليتنا نروح كل اسبوع >>ماتنعطى وجه
ترى ذا الهبال أعلاة حصل في ليلة واحده فقط يعني لو بابربر عليكم وش حصل طول فتره جلستنا كان تشوتوني خخخخخخخخخخخخخخخخخخخخخخخخخخخخخخ خ
وآآآسفين على تسثر الحتسي والدندره
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
