لو كل عاشق فى الهوى
إختار نصيبه
هاختارك إنتى
وأمحى من قلبى العذاب
وبإيدى أمسح مُرْ صبرى
ودمع صمتى
وكلمه واحده هاقولها ليك
إنِّك حبيبتى
حتَّى لو كان اللُقا من المحال
هافضل أعيش على الأمل
على ذكريات لو ف الخيال
وإتأكدى
جوَّايا جمره
وإن لونها الخارجى
ياما قالوا عليها سمره
وف أرض خضره
ولا يعرفوش انها
قابله تانى للإشتعال
وان الحروب
فيها ِسجال
يوم غالب ويوم مغلوب
وإنى عن حبك
مش ناوى أتوب
وهازيد وأكثر م الذنوب
وإنى ماعرفش المستحيل
أو الهروب
وإن قلبى إختارك إنتى
وإنه ناوى على الصمود
وإن ناره بتشتعل
كل مازادت رياحهم ف الهبوب
