حوار عادي بين افراد عائله أردنيـة
الأب مخاطب الابن : وله تعال
الابن بكل براءة : نعم
الأب :نعامة ترفصك تعال وله
الابن :ليش شو سويت؟
الأب : سواك ضريب يخلعرقبتك
الابن: شو فيه؟
الام : شاوي يشوي عضمك ....رد على ابوك بأدب وله
الابن: هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن: حاضر
الأم:يحضروا على قبرك انشالله ... لما ابوك يحكي انت بتخرس
الابن: أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :المشش؟؟ شو هاذا مشش ؟؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ....حكيتلك اخرس
الان اصبح الابن مغلوب على امره ومش فاهم ايش الموضوع وصمت
الأب:احكي وله ... مالك انخرست اما جيل قليل حيا...
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : ايش بتشوفوني غلط' هاي ... شايفنا عميان ولا حول ؟
الابن :لا اله الا الله
الأم : الله يوخذك انشالله .... يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: وله قلتلك اخرس
الابن: ياالله ... يا الله ... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟
الأب: بتصدقي يا مره اني نسيت.... نساني شو كنت بدي منه هالكلب
الاب :خلص روح ارجع على غرفتك يابا
