مديت لك يمناي مدلي يمناك
خلّ الوفا يزهر في راحة يدينا
خلّ الوفا يثمر بارض السعد وياك
خل الوفا يشفع دام الزعل فينا
وش فايده نزعل جعل الزعل ينساك
وش فايده قل لي ياشمعه تضوينا
ليلي انا وفجري وكل العمر يبغاك
حتى القدم ودّه يسريبي ذلحينا
ارسلت لك عذري وسرب الوله ينخاك
كله لجل ترضى وتهنى ليالينا
وارسلت لك شوقي يعزف لحن نفداك
انسى الزعل لحظه يابلسم العينا
هل يعتقد مثلك ان الخطا لو جاك؟
هل يعتقد مثلي يضمر لك الشينا؟
لاياجعل ربي يرحم لي من رباك
ماقبلها على نفسي وانت ادرى بي زينا
عمر الزعل لحظه وباقي العمر افلاك
لاتجعل افلاكي تشكي الالم حينا
ودي انا ودي مير القدر ودّاك
لقلب الذي قدّر واصبح لكم زينا
ياسيدي ارفق ترى الجسد ينعاك
ترى الجسد تكوين اصله من الطينا
يالحاضر الغايب جعل الولي يرعاك
وجعل الولي يرحم قلبي من البينا
ياصاحبي مرت وقلبي عجز ينساك
ذيك السنين اللي بالذكرى تكوينا
ياصاحبي لحظه فهمني وش قسّاك؟
فهمني وش غير درب الوفا فينا؟
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
