مشتاق لك بالحيل

الشامخ · شرس مشارك

وش فايدة لو تصد وتخفي الصـدة
اطعن بنجل العيون وكمـل الباقـي

تستاهل اكثر غلاك اليا وصل حـدة
يا وردة لمهـا البستـان والساقـي

يحق لك لو بقيت مـع الغـلا مـدة
تخش عش القصيد وتلمس اشواقي

انا ظميتك شهـر بالساعـه اعـدة
وش لون ابحيا دهر لا يبست ارياقي

اصدق وخل الشدايد لاهـل الشـده
يا ما كسبت الشقا من حبك الشاقـي

تامر وتنهى وتاخـذ شـي وتـرده
حتى بنيت بحشاي اجسور ونفاقـي

مشتاق يا من على وصفه زهى قده
وش كثر شوقي ليا قلتلك مشتاقـي

مما تفضل علـى حـق بـدا بـده
انا ليا الحين باقي والزمـن باقـي

والله لولا غلاك اللي وصـل حـده
لارمي بهذا القلم واقطـع اوراقـي
غزاي العضياني

ملفت الانظار · شرس بكل معنى الكلمة

^
^
^
^
صح لسانك اخووي الشامخ

وما قصرت

عبود الحبوب · شرس مشرف عام

مشكور