لقد تغيرت شروط التسجيل في المنتدى ....وتم تغيير مسمى المنتديات الفريج
اعرفوا الشروط زين....وافهموها....واللي ما يبي هالشروط يطق راسه في طوفه
بما ان هذا الموقع موقعي ههههه بروحي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...
1- اللي يسب اي واحد من الاعضاء نبي نجيه وبنربط
2- لما تكتب موضوع خل غيرك ييون ويتميلحون ويتهاوشون بس بحدود....واللي بيقلبها سب...عز الله ان امه داعيه عليه...لاني اترياه وقت صلاة الفجر في الفريج وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه على ويه.....انا قايلكم حنا ما نلعب
3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وبرميه فيه على ارتفاع 50000 الف قدم وابجدعه على خوص نخله...علشان ما يتعود لها انا قايلكم حنا ما نلعب
4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...
4- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس.....طبعا قايلكم ساحتنا وحنا حرين فيها
5اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ
6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون مال اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يريد
10-
كلنا عيال فريج وكلن يعرف خيه...
11- انا قايلكم حنا ما نلعب
الان اسماء المنتديات بعد التعديل :-
* منتدى شخبط وتفلسف ترى محد لمك.....المنتدى العام سابقا
* منتدى شاعر في المشمش......المنتدى الشعري سابقا
* منتدى مواضيع مالها احد.....منتدى المواضيع الجاده سابقا
* منتدى معاهم معاهم عليهم عليهم....المنتدى الرياضي سابقا
* منتدى كن صديقي.....منتدى المواضيع المتميزه
بالنسبه للمحادثات.... ودكم نسوي لنا طلعة بر على الطبيعه ازين...
ملاحظه......
اللي بنكتشف انه رجال مشورب ويكتب بأسماء اناثي...ولا اناثي تكتب بأسماء رجاليه هذولي بنخلي خششهم كلمات متقاطعه يصعب حلها.....
غييييييييييييييييييييييييييييييييييير موافق وخليكم انتوا و منتداكم اللي ماله داعي ترى انا ما العب
و باشوف كيف تشوتني ترى باجي داعسة 220 و اطيرك الى الا نهائية و ما بعدها
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
