قصيـــــــــده اتمني تعجبكم
لا تسأليني عن الأصرار لـو مـره **** حتى تعرفي وجودك وش هو يعنيلي
مليت نار الصدود ومدمـع الحسـره **** اللي تناثـر علـى كفـي ومنديلـي
مرتاح أحبك وأحب رموشك الخدره **** وأهوا وصالك لو إنه يتلـع الحيلـي
واليا دعتني فصول النار والجمـره **** بشعل قصيد(ن) على روس القناديلي
الحب طاغي ولاله يا القضي دبـره *** قد سل سيفه على رجال(ن) حلاحيلي
ما يجبر العظم لا منه نـوا كسـره **** يذبـح بليـا مشابيـك ومحابيـلـي
مالي على الحب لا حيله ولا قـدره **** وأبواب بيته علـى قلبـي مقافيلـي
شوفي جنون العذوق إلـحالي التمره **** اليا قطفوها تجـر النـوح وتميلـي
هذا جنوني وبعدك يا الغـلا سكـره **** هم(ن) ودمعه وجرحين ومواويلـي
والشعر ينبض فؤاده في دفا صـدره **** لا جيته أشكي مصابي قام يشكيلـي
تدمع عيون القصايد لا أنهمرحبـره **** لا هـام جرحـه ودنـن التعاليلـي
أبيك تعرف ترا مل الصبر صبـره **** هيـا تعالـي وضمينـي وغنيـلـي
واليا تفتق ظلام الليـل مـن فجـره **** أبيك تعرف شروقك وش هو يعنيلي
