مذكرات ليث الخليلي

احس هذي الايام بتعب وارهاق ، خصوصا مع المرض اللي يجي دايما في هالوقت من السنة .. المدرسة ومتطلبات الاساتذة التي لا تنقطع وامتحاناتهم الكثيرة والكثيرة جدا جاد .. تجعل السعيد يصاب بحالة كآبة لا يقوم منها أبداً .

 اللي يبي بحث واللي يبي مشروع مادري شلون شكله .. والحالة حالة .. وكل استاذ في باله ان ما فيه عند الطالب غير مادته .. ويقولك الامتحان يوم كذا وما في تغيير .. ويجي واحد ثاني ويحطه نفس اليوم ومافي تغيير .. تفاجأ مرة واحدة يصبح الاسبوع مزدحم بسبع او ثمان امتحانات في نفس الاسبوع ..

هذا طبعا بدون ذكر المتطلبات الدائمة من بحوث وتقارير ومشاريع كل واحد شكل .. اللي بوربوينت واللي مشروع عملاق واللي عن تجارب واللي من كتب ومراجع من انترنت ممنوع واللي بخط اليد .. كأنهم يتفننوا بطرق التعذيب ..

 انا لا الوم الاساتذة – بمكن بعضهم يقرا – ولكن اسامحهم واطلب مهم الرحمة شوية يعني والرفق بالطالب .. وتقدير ظروفه .. لانهم هم نفسهم كانو في اماكنا مرة من المرات واتوقع شعرو بنفس الشعور .. والمفروض يراعونا .. طبعا كثير بعضهم مراع للظروف لكن كثير منهم يعتبر الطلاب وسيلة للتنفيس عن غضبه .. تلقاه يوم مفرفش ويمزح ويضحك ثاني يوم يعصب على اي شي بقوة …

هذاك اليوم المشرف معطيني استدعاء ولي امر .. لاني متأخر 4 مرات من بدايةالسنة .. وقبلها معطيني تعهد .. ويقولي المرة الجاية فصل يوم كامل .. عداوة ؟؟ اللي يسمعه يقول هالمشرف يطبق القوانين بحذافيرها .. اصلا يسجل المتأخرين بعد الطابور بربع ساعه واللي يتأخر اكثر من ربع ساعة ما يسجله ولا يسويله شي .. يكون اكتفى بأول الناس المتأخرين شوية .. واشبع غريزة السلطة عنده ..

كثير من الناس المرضى نفسيا وان لا يبدو عليهم ذلك ، يقومون باستغلال سلطتهم استغلال خاطئ .. ويستعملونها لاشباع غرائز مريضة فيهم .. يعني يستانس يوم يكون القرار بإيده .. ويتكبر ويشوف حاله .. كثييييييير جدا .. لا اقصد المشرفين الاجتماعيين في المدرسة ولكن في نواحي الحياة كلها .. وصارت معي مواقف كثيرة جدا مع امثال هؤلاء الناس هداهم الله واصلح بالهم ..

وبالخص المشرفين والمدرسين عندنا .. ولو كانو ماشي حالهم لكن فيه احيان كثيرة يخربو مزاج البني ادم ويطلعو الواحد من طوره ..

الله يعيننا ، ما فيه حتى وقت الواحد يكتب مذكراته ولا يتفرج على التلفزيون او يتابع شي .. وعطلة نهاية الاسبوع الواحد ما يسوي فيها شي وتطير زي لمح البصر .. على العموم ، انا لله وانا الينا راجعون ..

والى اللقاء في مدونة جديدة .. على قولة العرب مو مذكرات ولا يوميات ولا بلوق … مدونة ..

السلام عليكم ورحمة الله وبركاته

يبدو انني لم اكتب في المدونة منذ زمن ، لا ادري ربما لم اشعر بالرغبة بالكتابة كما كنت من قبل .. او ربما انشغلت بعد ان رجعت من العمرة في اصلاح الموقع وارجاعه الى حالته الطبيعية بعد عملية الاختراق التي تعرض لها الموقع ..

عموما ، اليوم خصوصا اود ان اكتب عن فرحتي بصدور نتائج التظلمات بعد طول انتظار.. الحمدلله كنت على حق وكنت بالفعل مظلوم .. الدرجة السابقة : 93 والدرجة الحالية : 98.5 .. احمد الله واشكره على كل شيء .. ويبدو في النهاية ان دعوات العمرة بائت بالنجاح واستجاب لي رب العالمين يارب يستجاب لدعواتي دايما ويوفقنا لما فيه من الخير والتقوى ..

انا كنت انتظر يوم الاحد لصدور النتايج بفارغ الصبر ولكن سبحان الله .. نسيت شو كنت انتظر ونسيت ان النتايج طالعة .. وما تذكرت الا الحصة الثانية .. رحت بسرعة للمشرف الاجتماعي ولقيته قاعد بيقرا في النتايج .. سألته وقالي انه طلعلي 98 في الانجليزي بس .. وانا طرت من الفرحة ورفعت ايدي وقعدت احمد الله  .. كلهم صارو يضحكو لكن الواحد لازم ينفس عن الفرحة طبعا .. مع اني بصراحة في مكان صغير داخل جدا جدا داخل نفسي زعلت ان ما طلع غير الانجليزي .. لكن الحمدلله دوما وابدا ، انجليزي احسن من ولا شيء ..

على كل حال .. هم وانزاح ، ان شاء الله يكون ارتفع المعدل التراكمي – بحسبه بوقت فراغي – والله يوفقني ويوفق الجميع في هالفصل الاخير من التوجيهي الممل .. وخصوصا العلمي .. على فكرة … هذاك اليوم وانا بتفرج على المراية لقيت اربع شيبات في راسي .. (( شيبونا وزارة التربية )) الله يعين بعد الجامعة شلون بنطلع !!

بالامس ذهبت مع اهلي رحلة الى البر في البحرين ، الجو كان شوية بارد لكن الجمعة مع بعض والمشاوي لا تضاهى بثمن ..

اول ما وصلنا مدينا المدّة و شكّينا اللحمة و ولعنا النار .. الفحم كان من نوعية ممتازة والهوا ساعد على انو النار تشتعل كويس .. عموما الساعه كانت حوالي 4 فما كان فيه وقت علشان نلعب كرة او شدّة او اي شي ثاني ، على طول شوينا اللحم والريش والدجاج واكلناهم مع حلول المغرب ..

بعدين حفرنا حفرة صغيرة وجمعنا حطب يابس ورمينا الجمر فيها وحطينا شوية كاز علشان نولع نار تاضي علينا الدنيا .. انا بالنسبة لي كنت قاعد بضبط بهالنار واشتغلت ليها عشان تولع تمام .. لكن وانا بضبط بالاحجار اللي حول النار نسيت انها نار وحركت واحد بايدي وشلته وضغطت باصبعي على الحجر علشان اثبته في الرمل .. نسيت انها نار وماحسيت بشي الا بعد كم ثانية لما تفحم اصبعي ..

الالم ما كان قوي جدا جدا ولكن كان مؤلم ، ربما لان الحرق كان كبير وتغلل بقوة داخل الجلد .. لانه اصبعي صار مكان الحرق لونه اسود وجاف جفاف شديد .. انا على كل حال حطيته في كاس ماي بارد و ظليت كل الطريق الى البيت رافع اصبعي باتجاه الهوا البارد .. كأني بسوي لكل من في الشارع OK ..

لما رجعت حطيت دوا الحرق ونمت على طول علشان ما احس بالالم . ولما صحيت كان احسن وما حسيت بوجع ولاشي ولكن كان اكثر جفافا .. على العموم بالرغم من الحرق ولكن استمتعت بالرحلة الى البر وبالفعل الرحلة غيرت مزاجي ونسيت كل هموم الدرجات والتظلمات . الحمدلله دائما وابدا ..

والسلام عليكم ورحمة الله وبركاته .

كما وعدتكم ، سأقوم بعد استلام الشهادة بالكتابة عن حالتي ..

 الصراحة ، حالتي تعبانة .. مع انه المعدل ارتفع والمعد الفصلي كان لا بأس به ، ولكن ..

لم يكن هذا ما كنت اطمح اليه . جبت المعدل الفصلي 95.9 وعلى الجهد كنت اتوقع اكثر من هذا بكثير .. وانقرهت لما شفت الناس جايبة معدلات بال 96 وانا جايب اقل منهم .. مع اني تعبت على نفسي ورحت مدرسين خصوصين وسهرت الليالي وانا بحفظ وبدرس ..

ربما ان المعدل عادي وما يستحق ازعل عليه لكن اللي زعلت عيه بالفعل اني جبت باللغة الانجليزية – الكتابة فقط 93 .. وانا كنت في بالي 100 او 99 .. تفاجأت لما شفتها .. ما اعرف هل خطأ ولا ايش بالضبط .. عموما اتوقع اني ظلمت في هذه المادة تحديدا . وسأقوم برفع تظلم باذن الله غدا او بعد غد . ادعو ربي بس ان الدرجات تتحسن بالتظلم .. يعني المدرس كل هالكتابة والتفلسف وآخر شي يعطيك 93 !!

عموما ادعو ربي ان هالتظلم ينجح زي اللي قبله ويرتفع المعدل وتتحسن حالتي النفسية .. هذا كل ما استطيع عمله .. بالاضافة الى التحسر والحزن والاستماع للاغاني الحزينة واحاول افرفش عن حالي ..

وهالاغنية من احلاهم : http://ozq8.com/song-10506.rm

 انا كتبت لكم قلت اكيد ردودكم بتشجعني ودعواتكم وبرتاح نفسيا شوية زي كل مرة بكتب فيها ..

مبروك للناجحين واللي جبو درجات كويسة .. والحمدلله على كل حال !!

الحمدلله وبعد طول انتظار وتعب وجهود انهكتنا ..

 انتهينا من امتحانات نهاية الفصل الدراسي الاول ، املين من الله سبحانه وتعالى التوفيق وان نحصد ثمرة جهودنا ..

بعد لا خلصت اخر امتحانات رحت مع اصحابي على مطعم الابراج واحتفلنا بالانتهاء من الامتحانات . كثير شباب كانو هناك يحتفلوا زينا ، ولكن حسيت انها كانت لها نكهة خاصة ، لانو قعدنا اكثر من 3 ساعات وطولنا في المطعم .. بعدين كملناها عند بيت واحد منهم ظلينا نلعب بليستيشن للساعه 8 في الليل بعد ما انهكنا لانو الصراحة ، تعب الامتحانات لا يفوقه تعب ..

عموما ، طلعة جميلة ، احتفلنا بها بداية الاجازة علشان الواحد يخرج من جو الامتحانات ويدخل في جو الاجازة اللذيذة .

انتظر بفارغ الصبر الشهادات يوم الثلاثاء القادم ، وادعوه تعالى كل يوم ان تكون جهودي مثمرة وان لا تضيع هباء ..

عموما ، انا متفائل .. وان شاء الله سأعلمكم بالنتيجة فور صدورها .. ادعو لي بالتوفيق حاليا الله يعطيكم العافية ..

مع السلامة ، نراكم قريبا ..

السلام عليكم ورحمة الله وبركاته مرة اخرى ..

مر وقت طويل منذ اخر تدوينة لي ..

احببت ان اجعل الزوار فقط يعرفون بانني لازلت موجودا واود الكتابة والتدوين ولكن للاسف الامتحانات ودوشته تجعل ذلك من الصعب .

عموما ، لازلت اريد كتابة المذكرات وان شاء الله بعد الامتحانات .

ادعولي بالتوفيق في الامتحانات ، سوف تنتهي في 18/1/2006 … مشكورين والله يسمع منكم ويوفقكم ياللي عايشيان وغرقانين معي في جو الامتحانات المزعج والكئيب .

مع السلامة ، وزورونا دائما

ها هو ذا بدأ فصل الشتاء في مملكة البحرين والكل مريض اما مزكم او ملفوز ( انفلونزا ) وانا طبعا بدل ما امرض مرة بين الفصلين بمرض مرتين ، لكن الحمدلله على كل حال .

بالنسبة لي بالرغم من المرض والبرد فإنني من محبين فصل الشتاء ، أحب الهدوء في هذا الفصل ، أحب الجو الطبيعي في هذا الفصل ، أحب الجو النقي -احسه نقي بدون المكيفات- ، أحي ايضا فيه المطر وتنظيفه للشوارع والسيارات ، أحب ان اقعد على الكرسي او السرير اتفرج على التلفزيون اشرب كاكاو ساخن واتلفح بلحاف خفيف او بلوزة فرو دافئة ، وكم هو شعور لطيف بان تشعر بانك جزء من هذا العالم عندما تسمع صراخ القطط في الخارج -طبعا موسم التزاوج- ، وكم هو جميل الجلوس اما المدفأة وتروح في سابع نومة ..

ذكريات جميلة في هذا الفصل ، عندما كنت في الاردن -طبعا ابرد هناك بكثير نم البحرين- كنت احب اللعب بالثلج ، وحتى عندما لا ينزل منه كثيرا فانني كنت احب اللعب به والمزاح الثقيل به ، ذكريات اجمل عندما اكون في الامتحانات النهائية واجلس اذاكر امام المدفأة واغط في نوم عميق وجميل ..

كل ما اطلبه وادعوه من ربي ان يعود بنا بهذا الفصل بالخير والبركات واجمل الذكريات .. اللهم امين !

كل عام وانتم بخير وكل سنة وانتو طيبين وعساكم من عواده وعيد سعيد وعيدكم مبارك ومن العايدين كل سنة ان شاء الله !

بكل اللهجات .. اهنئكم بالعيد السعيد واذكركم بموعد استحمامكم السنوي ههههه

اليوم هو ثاني ايام العيد والصراحة العيد حلو ويجنن وياليت كل ايامنا عيد .. وكل المسلمين فرحانين يارب !

بس حبيت اهنيكم وان صار معي شي طريف او حادثة في العيد لن اتردد في كتابتها ان شاء الله

 مع السلامة لكل القرآء وان شاء الله تتهنوا في عيدكم سواء كان اول يوم ولا ثاني يوم

الحمدلله مضت حوالي 12 يوم من رمضان حتى الان ويعني صحيح التكاسل والتعب ما يخلي البني ادم ينجز الشي الكثير لكن الحمدلله ..

هذا مو موضوعنا . انا اللي حبيت اكتب عنه ، هو شباب المدرسة عندنا وحبهم للمضمضة في نهار رمضان !!

هالسنة هي اول واخر سنة طبعا يكون صفنا مقابل دورات المياه اعزكم الله واماكن الشرب والمصلى عموما .. وانا قاعد جنب الشباك طول اليوم اتفرج على اللي داخل واللي طالع .. لاحظت ملاحظة غريبة .. الشباب كلهم صاروا يكثروا من المضمضة بشكل مو طبيعي ، وتره السالفة صارت عادة يعني كل ما مروا جنب هالمنطقة قاموا يتمضمضون ويغسلون وحالتهم حالة واخر شي يقولك شربت ماي بالغلط ( لول ) ..

وانا اشوفهم يعني بغير رمضان ما فيه هالزحمة على دورات المياه ولا المضمضة الزايدة عن اللزوم كل شي طبيعي ، بس مادري عنهم صراحة يضحك على نفسه ولا شو بالضبط .. ياعم خلاص اضبط نفسك ، ليش كلشوي رايح تقول بتمضمض ولا بتوضا ومادري شنو .

على كل حال بس حبيت اكتب عنهم وافضفض لانه سالفتهم تضحك ..

ويمكن نتفرع باللي يدخن بالغلط وياكل تونة وبيبسي بالغلط ، لكن هذولة حالة ميئوس منها والموضوع بيصير طويل جدا .

ولكن عندي موضوع حلو بالمناسبة في المنتدى وهذا الرابط :

رمضان بعيون غير المسلمين

http://www.alshares.com/board/viewpost.71528.html

يالله ، مع السلامة ونشوفكم في مدونة جديدة قريبا !

انهالت على المسجات فجأة قبل بضع ساعات تهنئني بـقدوم الشهر الفضيل ، اشكال وانواع كثيرة انتم اعلم بها ! فـرمضان عكس كل التوقعات جانا اليوم السبت بدل من الاحد ( المتوقع ) واللي كنا مبرمجين روحنا عليه ..

وكذا الواحد تلخبط برنامجه بالكامل وتخربط كل ماهو حاط في باله يسويه السبت والاحد والسهرة اليوم بعد ، على كل حال . كل شيء بيجي من عند الله زين ، وعسى ان تكرهوا شيئا وهو خير لكم وعسى ان تحبوا شيئا وهو شر لكم .

انا فقط حبيت اكتب علشان ما اترك المدونة بدون ابديت وعلشان بعد اهنئ كل قارئي المدونة بالشهر الفضيل – على الاقل انتو مجاني مو مثل المسجات ( خلصوا الرصيد ) – ويارب يكون شهر جميل ويعطينا الله به الاجر والثواب والخيرات كما هو متوقع ان شاء الله لنا ولكم !