مذكرات ليث الخليلي

بسم الله الرحمن الرحيم ..

 لقد كنت طوال هذا الوقت أكتب المدونات باللهجة العامية وأستبسل باستخدام الابتسامات والمبالغة في التعبيرات ، هذا باذن الله سوف يتغير استجابة للعديد من الانتقادات التي انتقدت هذه الطريقة . ولو أنني قد اخترتها سابقا لاختصر الطريق الى عقول القراء والى عقلي عندما اقرأها في المستقبل . في جميع الأحوال سوف اقلل من وصف المواقف الشخصية التي تحدث وسوف تكون في الغالب المدونة كما هو الحال مع العديد من المدونات كلام فارغ و مجرد إبداء رأي في العديد من الأمور الحاصلة . بالنسبة لي سوف أحاول أن أجد نقطة بحيث تلتقي فكرتي عن المدونة الشخصية مع فكرة باقي الناس ، وسوف أحاول أن أجد مكاني بيني المدونين وهويتي في التدوين .

 أكتب هذه المدونة كخط فصل بين المرحلة السابقة والمرحلة التي ستأتي ، ونتمنى إبداء الرأي في ذلك .

بسم الله الرحمن الرحيم ..

السلام عليكم ورحمة الله وبركاته ..

 بداية يبدو أنني قد فقدت حماس الكتابة منذ زمن طويل طويل جداً أتذكر يمكن آخر المرات كانت أيام عيد الأضحى يوم قررت إني أحط صور تفاعلية .. لذلك علشان اقدر اكمل من مكان ما بديت واتكلم عن عدة المواضيع اللي شاغله بالي لازم ارد اقرا عالاقل اخر 5 كتابات كتبتها .. وحسب ما شفت صارلي زمن كبيير جدا مش كاتب ولا اشي ، وعندي كثير مواقف صارتلي ولو عندي الحماس كنت كتبت عنها وعن تعليقاتي وافكاري وفلسفتي عن المواقف ، المهم بحاول ألخص بعض المواضيع بخلال المدة اللي طافت وبشوف يا ليث شو كان رايك فيها وبنشوف اذا تفكيرك حيختلف ولا لسا ما قتلت الولد ..

 بصراحة ، المفروض أبدأ من بعد عيد الأضحى بس أصلا ناسي متى عيد الاضحى وايش صار فيه وايش صار بعده ، بس عموما ما اتوقع فيه اشي مهم نبدا من وقت الامتحانات النهائية ، قبل الامتحانات النهائية بحوالي الاسبوعين طبعا ما بنعرف عن الدنيا ولا عن المواد غير اللي بيقولولنا اياه الدكاترة الله عطيهم العافية واحنا نص نايمين .. بدينا ندرس للمواد ، طبعا طريقة الدراسة للجامعه تختلف كلياً عن المدرسة وبصراحة وجدت إنها فعلاً أسهل وأمتع وأكثر راحة ، تماما نفس ماكنت أقول لحالي أيام المدرسة .. بكرا بتروح الجامعة ياليث وبترتاح وفعلا فيها شوية راحة .. لانو فعلا ما بنحتاج نحفظ أشياء كثيرة ويعني عندنا فكرة على طريقة الامتحانات ولو انه مش ولابد بس انو بنعرف شو نحفظ شو نطنش شو نفهم انو الوضع ماشي حاله . بدأنا بالمنجمنت مرورا بالايكونمكس وانتهاءا بالاكاونتنج والحمدلله كل الحمد الدراسة كانت عبارة عن افتح الكتاب اقراءه إفهم ولو انه المواضيع مو سهلة تفهمها بس شيقة واذا فهمتها خلص ما بتطلع من مخك ، انضكيت شوية شهر الامتحانات بس عموما الوضع كان عجيب وحلو ، تدرس تفهم السالفه بالضبط ، تروح الامتحان امتحان عادي تطلع ان شاء الله هاذي A . اللي بعدو ، ان شاء الله كمان A . صحيح فيه طلاب الوضع مش ماشي معاهم تمام بس بالنسبة لي وتقريبا نسبة لاباس من اصحابي الوضع بكون جيد وماشي حالو ، انو الامتحانات بصراحة تكون عادية تميل الى السهولة سؤال سؤالين بالكثير نشك فيهم . طبعا خلال هالفترة صادني مواقف ، كمثلا مضيع وقت الامتحان بفكره الساعه 1 العصر ولكن طلع الساعه 8 الصبح واكتشفت عبر واحد حاط نكنيمه على المسنجر الساعه 3 الفجر واضطريت اكمل السهرة دراسة وحرقة أعصاب ، ولكن بعد الحمدلله بعد الامتحان الوضع كان عجيب ونشكر الله ونحمده مليون مرة ولا كان وضعنا حاليا غير وضعنا ، ثم شكر لاخوي قصي اللي بالطريق يهديلي أعصابي ويعزز ثقتي بنفسي لدرجة انها بالنهاية أصبحت ثقة عمياء .. وهذا هو المطلوب الواحد لازم يثق بالعقل الباطن وانه اي موقف ينحط فيه يسوي الشي الصح ، ودام وصلنا لهالمرحلة تقريبا فالحمدلله وصلنا درجة من تحقيق الذات لا بأس فيها وعقبال ما نقتل الولد ونقتلو عند صحابنا وحبايبنا .

الحمدلله عدت مرحلة الامتحانات على خير ، وخلال هالفترة كنت متابع مع دفعتي 2007 إدارة الاعمال واتواصل معاهم عبر الايميل وابعثلهم على الجروب اللي عملته اخر التحديثات والنوتات الدراسية واتمنى انهم ان شاء الله استفادوا منها مثل ما استفدت منه انا ، وماقصروا بعض الشباب والصبايا كانو يساعدونا ويفيدونا وبعضهم حتى لانعرفهم ولا يعرفونا .. وايام النتائج تذكرنا كيف الناس كلها على اعصابها وانا اعصابي الى حد ما هادية بستنى بالعلامات ، ان شاء الله كويسة نتفرج على منتديات الطلاب ، توصل المواضيع الى مئات الصفحات بيومين بس .. هو الامتحان اكثر واحد اللي كنت متخوف منه كان امتحان الانجليزي لانه كان اذا بخسر اكثر من 3 درجات بنزل تحت الـ A وما بجيب 4.0 اللي كنت مصوب عليها من البداية .. ولكن الحمدلله شدينا حالنا شوية وعملنا زين بالامتحان وركزنا فيها وبجهودنا وبجهود الدكتورة الله يعطيها العافية حصلنا A والحمدلله باقي المواد A وجبنا الـ 4.0 اللي عيوننا عليها من البداية ، ان شاء الله بس نقدر نحافظ عليها الفصل هذا واللي بعده على الاقل اول سنة سنتين ونظل على لوحة الشرف نرفع الراس وتقريبا نحقق جزء من الذات ..

طيب ، وين بعدين امتحانات ، درجات ، 4.0 ، إجازة .. الإجازة إجازة الربيع كان المفروض نحقق فيها مشاريع كبيرة جدا بس والله ما كانت بذلك الكبر ، بس يعني تمشي الحال احسن من ولا شي .. الطلعات مع الشباب و انترنت على سوالف لت وعجن وزيادة عليهم لعب بليارد وشدة على كاس امم افريقيا .. ايوه صح ، ودخلنا دورة شطرنج على مستوى البحرين البحرينين والسكان يعني فلبينين وهنود كانو بالمسابقة ومخضرمين وكذا دورة مفتوحة ، وحصلنا فيها المركز التاسع وكانت مفاجأة لكثير فالمسابقة على اساس انه اول مرة يشارك او من وانا صغير جاهل ماشاركت والحين احصل مركز من العشرة الاوائل وصاحبي حصل المركز العاشر كل واحد مننا 11دينار و6 ربيات و75فلس :p ، بس كان مشروع جيد وطلعنا فالجرايد كلها أول خسارة بسبب رنين الهاتف النقال ( أبوي متصلي ) بقوله يابا شايف يوم تتصل على ولدك ثاني يوم يحطون الخبر بالجرايد :d .. يعني يمكن اكثر مشروع كان لاباس فيه على اساس حصلنا شي من احدى الهوايات وفادتنا .. وكمان اشي جديد انو تعلمنا شوية هاردوير وحاولنا نعدل بالمواقع شوية وعدلنا يعني الى حد ما جزء لاباس بس زين وحصلنالنا كم قرش من ورا هالشغله خلال العطلة ، وبالاخر شرينا السوبر كمبيوتر اللي لا يزال تحت التطوير بس سوبر سوبر ماشاءالله عليه كمبيوتر كنت احلم فيه بس وصار الحلم حقيقة بالاخر الحمدلله .. حاليا مستانس عليه متخرع ومش مصدق حالي ومشل السماعات على الاخر ومكيف عالكيبورد قاعد بكتب زي المجنون والماوس على العاب شطرنج اونلاين والشاشة افلام على كل شي سريع وطالع عندي الوندوز ارورا اشي طقع خيالي كانه كمبيوترات المستقبل ..

أيوة نكمل ، بعدين عندنا الحذف والاضافه ، يعني صراحة لو ينزلونلنا الجدول جاهز ننجبر عليه يكون احسنلنا من حرقة الاعصاب اللي بنعيشها في هذيك الايام اي هذا السكشن لا يتعارض لا هذاك الدكتور لا هذا الدكتور واللاب متى ، طيب ابي بريك وين احطه ، الفترة هذي بقعد للساعه 4 فالجامعه شسوي البريكات مو عاجبتني ، الدكاترة بغيرهم وين احط هذا وين احط هذاك ، طيب ايش انزل مواد كم ساعه 3 ايام ولا 5 ، طيب بنزل مع سكاشن صحابي ، اوه السكاشن فول ماتقدر تغير يالهذه الورطة ، اذهب الى الاد جير ، الله يخليكي يا رئيسة القسم اعطفي علينا نبي جذي جذي ، الحمدلله ندبر روحنا مني مناك شكرا سكرتيرة العميدة مشكورين ربعنا ماقصرتو مجلس الطلبة ولو ان مافدتونا بعد مشكورين مشكورين اللجنة الارشادية مشكورة يالبرنتر طبعتيلنا الجدول 4 مرات ، اوبس شقينا الجدول بدال مانشق القدام شقينا الجدول المختوم معليش ربك ييسرها اففف انحرقت اعصابنا علشان هالزفت نضبط الجدول .. ( الافكار التي تدور في رأسي وانا اتذكر فترة الحذف والاضافة ) بالاخر يطلع الجدول مو زين وبغيروا الدكاترة وابصر ايش .. لا هذا والحمدلله انه بعثة يعني مافيه مشاكل فلوس مافلوس وكلشي متيسر لو كنا نعاني من مشاكل بسيطة اخرى كان كيف الحالة بتكون !! ..  الله يعين بس الله يعين

بعدين عندنا فترة الدراسة طبعا لانه اخر دفعة احنا كا بين الادد دروب والدوام مافيه يعني يوم حذف اضافة اللي بعده نداوم وكان زين يعني الواحد ما يوجع راسو على طول بيعيش الجدول اللي خربطه اي خرابيط .. طبعا هاليومين كانو حلوين علشان شفنا اصحابنا الي بالجامعه واللي من زمان ما شفناهم وانفسية كانت يعني عموما جيدة ولازالت جيدة الحمدلله ، وبدينا نشوف السكاشن ونتعرف مين معانا مو مين معانا بالسكاشن نشوف الدكاترة كيف ، وطبعا بتصير مواقف خلال هالفترة زي انه الواحد بيروح مو نايم على الجامعة وبصير يخربط بالناس وموقف اخر مش عارف كيف صار ، دخلت اول محاضرة المفروض دكتورتنا اسمها ميرفت يعني سورية مصرية اي شي مو متحجبة يعني اسمها (ميرفت) اجيت بدي ادخل على المحاضرة الاقي طالبات بدهم يطلعو بعدين قلت يمكن الدكتورة مشت دخلت سلمت وقعدت اسولف مع واحد من صحابنا وانا واقف بمزح معو وحالتي حالة وبحكيلو سجل اسمي فالحضور وبعدين اعطيت الورقة لصفة البنات ورجعت عشان اطلع مع صاحبي برا فبحكيلو ياخي شلون الدكتورة ؟ يبين عليها زينة ولا شلون ؟ فبقولي هاي الدكتورة قدامك مش شايفها !! انا ساعتها انصدمت .. لا اسف دكتورة مانتبهت ماشفتك بس ، اقعد ؟ اطلع ؟ بتحكيلي اتس اوكي امشي :p يعني الموقف بالنسبة لي كان عادي يعني تعاملت معاه بهدوء .. بس انو (موقف) بعطينا خبرة انو ما نحكم على الواحد من اسمو .. لانها طلع اسمها ميرفت البوفلاسة وطلعت بحرينية صغيرة وانا فكرتها طالبة يعني من الطالبات اللي طلعو برا ان شاءالله تكون الدكتورة مليحة زي باقي الدكاترة اللي ارتحنا معهم بالفصل الاول وان شاء الله ما اخذت انطباع اولي سيء عني المهم .. وتيفر .. بس حبيت احكي عن الموقف وبلكن حدا يستفيد من هالخبرةوماينحط بمواقف زي هاي ، عموما .. هاي تقريبا ملخص ويا حلاوته من ملخص لانه حسب شاشتي اللي بكتب فيها 22 انش من الكتابة على الشاشات الصغيرة مو عارف كيف حيصير ..

 عموما، مرحلة الجامعة ما بكتب عنها قاعد كثير وما بكتب عن الحياة الاجتماعية الجديدة هناك وما بكتب عن الشغلات اللي بعملها كثير ولا عن الوجوه الطيبة اللي تعرفنا عليها هناك بس اللي بقدر احكيه انو مرحلة جديدة بالحياة حلوة ولكن لا تخلوا من المشاكل البسيطة ولو انو عموما جميلة .. وهاي قعدتنا على الانترنت بنكتب عن الوضع بعد مامر اول اسبوع دوام من الفصل الثاني ..

انا بكتب بسرعه وانا مغمض لاني رايق ومزاجي معتدل وفاضي تقريبا وقاعد بسمع لكاظم الساهر بصوت شوية عالي ومروق بالغرفة انا والكمبيوتر ..  وما الي خاطر ارجع اشوف الاخطاء الكيبوردية لذلك اللي بيقرا افهموها وانتو طايرين وانا اذا بقراها لحالي بعدين بفهمها ، وبعدين الكتابة مش اكثر عشان الواحد يفضفض هيك عن كل اشي ويطير الشغلات اللي بقلبو .. والسلام عليكم ورحمة الله وبركاته ..

بسم الله الرحمن الرحيم

اليوم يكون انتهى ثالث ايام عيد الاضحى المبارك ، اعاده الله على المسلمين اجمعين بالخير والبركات .. بس توني ملاحظ انه من كتاباتي كلها ولا مرة كتبت عن العيد مع انه اتوقع حول 6 أعياد مرت خلال كتاباتي وما كنت اكتب عنها شي ..

فأكتشفت شي غريب هو انه انا مو قاعد اكتب الا لما يكون مزاجي رايق جدا وماعندي شي اسويه او متملل او انه مزاجي معتفس وابي افش خلقي بشي بس مو عارف ايش هو .. وشي غريب ثاني اني قاعد اكتب عن الكتابة .. يمكن لان ماعندي موضوع اكتب عنه او انه المواضيع اللي رح اتناولها شخصية وعارف ان كثير ناس بتتابع المدونة .. عموما .. أيا كان ..

العيد هالسنة ولأكن صريح .. ماحسيت فيه ولا استمتعت فيه ولا حتى شعرت انه فيه عيد مر .. الاتصالات كانت قليلة والزيارات قليلة .. وما مر وقت عن آخر عيد وبعد امي مسافرة واخوي مسافر وخالي مسافر وعدد من اصدقائي مسافرين ، يعني ما كانت هالطلعات الحلوة اللي استمتعنا فيها كثير بالعيد وبعدين علشان الوالدة الله يحفظها مسافرة فـ ما كان فيه بهجة العيد ولا شمينا ريحة المعمول ولا حتى قراص العيد اللي من جد بتحسسك انو الدنيا عيد والناس فرحانين وبنسوي اكل العيد زي كل الناس ..

بس الشي الوحيد يمكن اللي كان حلو سويناه ، هو انه ظليت سهران الليلة اللي قبل العيد ورحت مع ابوي الصبح صلينا العيد بمدينة حمد .. - طبعا بمساعدة قوطي رد بول وحبة سنكرز علشان نستمر وما نوقف – .. بعدين رحنا علشان نشتري خروف العيد ونضحيه ، كان خاطري انا اللي اذبحه او اساعد بس المشكلة الوضع ما سمح لان كان فيه وايد ناس ومافيه احد ذبح خروفه بايده .. واصلا المذبحة كانت ما تندش لانه المكان كلش مليان دم وكذا .. بس يعني تنقينا الخروف العربي النعيمي العضلنجي ابو لية وحسسنا على ظهور 20 خروف علشان ناخذ واحد صغير بالسن وكلو لحم .. وطبعا ظلينا ننتظر ساعتين على ما جا دورنا واحنا نطالع بالخرفان اللي قاعدة الناس تنقيها ويصففونهم الى المذبحة .. وطبعا انا وقت الملل ما اقدر اتحمل روحي واطلع التلفون واصور ..

هاذي مجموعة من الصور الحلوة اللي اخذتها .. وبغير من جو المذكرات بصير اضيف عليها صور .. قبل ما كنت احط ولا صورة وكانت مملة وحتى انا لما اقراها امل .. المهم الصور والتعليقات ( قبل ) كل صورة ..

هذا الخروف اللي اخترناه وماشاءالله عليه مع انه شكله كريه بس معضل وكله لحم واللية كبيرة يعني عز  

 وهنا طابور الخرفان اللي تنتظر دورها في النحر وتلاحظون اشكال انواع منها الاسترالي والعربي والايراني

وهاهنا المذبحة اللي يتم فيها عملية النحر .. وكان كل 5 خرفان يدخلو مربطين مع بعض علشان واحد ورا الثاني ..

طبعا بعد ما يعطوك اللحم والراس والسوالف ياخذون الفروة مع انها غالية ولها ثمن بس محد يبيها يمكن لان ما فيه محلات فالبحرين تخيطها ، ماعليه خلوها لكم حلالكم ، الذبح والتقطيع كان مجاني ، نعتبرها اضحية حق اللحام .. شوفو ما شاء الله هذولة بس من يمكن 15 خروف وكان بعدنا فيه قدهم مرتين ..

وصورت كثير صور حلوة ولخرفان متأذية وعيونها حمرا وخرفان استرالية شكلها حلو وخرفان عربية ليتها كبرها مرتين بس ما ابي اخلي المذكرات معرض للصور ، مع العلم اني احب اصور وعندي هواية واعرف اللقطات الحلوة وعندي صور كثير حلوة صورتها بس زي ماقلت ابيها بس علشان يوم اشوفها واقرا الموضوع اتذكر الموقف ..

المهم ، بعد ما رجعنا البيت ، عايدت على بيتا كلهم وبوستهم واتصلت بامي وخواتي واتصلت بجدتي وباهلي في الاردن ولكن تعاجزت اساعد ابوي في تقطيع اللحم وما ارسلت لاي احد مسج تهنئة بالعيد ولا ايميل ولا شي مع انه انا بالعادة وقت التهنئة عندي يكون صباح اول يوم عيد .. ولكن لاني سهران وتعبان .. ماقدرت اتحمل وعلى طول انخمدت على السرير وما قمت الا وقت المغرب .

ماتذكر وين طلعت مع العيلة بس طلعنا وكانت طلعه زينة مو وايد بس زينة .. وثاني يوم اكلنا من الاضحية .. وثالث يوم ماسوينا شي .. يعني العيد ما كان برنامج لان لا اهلي موجودين ولا ربعي موجودين .. فكنت انا وهالانترنت ، وهذي غريبة جدا علي خصوصا بوقت العيد .. مع انه الاجازة اللي قبل العيد ما قعدت ولا يوم ما طلعت فيه .. مع اني يوم اقعد على النت ابدع واطلع افكار كثيرة .. واذا ما ابدع واسوي شي جديد اطالع الناس شتسوي واخذ افكار يعني اخذ خبرة في الناس وافكارهم .. هاليومين شفت شغلات جدا جميلة على النت واعمال رائعه من فيديوهات ومواقع وافلام وثائقية فيها افكار جديدة وحلوة ..

عموما .. طلعت عن الموضوع .. العيد يعني مو نفس باقي الاعياد جدا حلو وبهيج .. بس عموما الحمدلله على كل حال .. كلشي زين .. والحمدلله دوما وابدا ..

اتوقع وايد كتبت ، وانا يوم ابدا الموضوع ما ادري شنو بكتب او شو بحط فيه ، اكتب والافكار بروحها تجي .. ولكن النتيجة طيبة الحمدلله وفرغت شوية عن الكلام اللي يبي يطلع من داخلي .. ودونت لحظاتي التاريخية مع انه كان في بالي اشياء كثير بس وانا انقل بالصور علشان ارفعها على الموقع شت تفكيري وضاع كلشي في بالي .. اذا بتذكر مواقف حلوة لازم ادونها وافكار خاطري احفظها بالتاريخ بكتبها بعدين .. وسلامي ..

بسم الله الرحمن الرحيم

 والله في جعبتي الكثير لاكتب عنه خصوصا ان صارلي زمان ما كتبت .. وهالايام شوية شهيتي مفتوحة على الكتابة وفيه كثير سوالف صارت معي من دخولي للجامعة وتعرفي على الوجوه الطيبة الكثيرة اللي هناك وطبعا الفلسفات الغير منتهية معاهم اللي منعتني اجي انثر فلسفتي في الحياة في المذكرات .. لانه من الطبيعي اذا الواحد يتفلسف عن موضوع معين ويوصل الى نتيجة فيه ما يرجع يكتب عنه مرة ثانية ..

 المهم ، بشكر المتابعين للمذكرات وبعتذرلهم لاني من زمان ما كتبت شي يثير فضولهم ويملأ فراغهم ، مع انه عموما انا ما بكتب غر لنفسي علشان افضفض واشيل اللي بصدري من كلام ، وعلشان يعني بالمستقبل الواحد يرجع يتذكر نفسه وهو صغير .

عموما ، انا ما بتكلم اليوم عن مواضيع كثيرة وعنحوادث يومية تثير بداخلي التساؤلات والفلسفة العميقة .. اليوم انا متفرغ وفاضي اشغال تقريبا من الصبح قمت من النوم قعدت على الانترنت ومالقيت شي رحت فـ رحت تحممت وخليت الشغالة تنظف الغرفة وحاولت القى احد اضيع وقتي معاه ما لقيت .. فـ رجعت للنت وطبعا ما لقيت شي .. فـ لا شعوريا صرت ادورفي البيت ادور عن امور منسية واوراق ومستندات قديمة مهملة بالدروج والخزاين .. قعدت اتفرج على الصور القديمة وشهادات الميلاد وعقود الزواج ورسائل الشكر وقصائص من الجرائد القديمة او انصاف كتب ما اكمل كتابتها ابةي .. يعني مثل هالشغلات .. ولقيت بين الاوراق الحلوة هاذي اللي ترجعك بالزمن لوراوتشعرك بالفخر والاعتزاز .. لقيت نسخة من شجرة العائلة اللي عندنا بالاردن .. قريتها وانا جاهل وما فهمت من الكتابات شي بس الحين لما قريتها مرة ثانيه بتمعن وبمخ فاتح عرفت عن ايش تتكلم والوثائق المرفقة بالضبط ايش هي ..

فـ قلت والله خلنا نجوف .. لان حسب علمي بالاردن كان فيه مؤلفات كثيرة واهتمام بالعشائر وكان فيه واحد قبل كم سنة مألف كتاب عن التميميون الداريون يعني اللي هم احنا والعائلات اللي من صلبنا مثل التميمي والمجالي وغيرها .. بحثت في الانترنت ولقيت ان كاتب هالكتاب مسجل فالمنتديات اللي تخص هالموضوع باسم التميمي الداري .. هو اسمه محمد امين التميمي الله يذكره بالخير .. ويكتب في المنتديات كتاباته تقريبا كوبي بيست من كتابه بس مقتطفات جميلة تشعرك بالفخر والاعتزاز لانك تنتمي الى هذه العائلة العريقة ..

المهم يعني قعدنا نسولف مع الوالد عن هالموضوع وقريت شجرةالعيلة وطالعت اللي في النت وقريت الكتب اللي متوفرة لان الباقي موجودة في الاردن للاسف .. ما عندنا كل الكتب هني في البحرين .. ويعني اخذت الصورة العامة عن الموضوع وبصراحة شي جميل انيكون لك اصل تفتخروتعتز فيه .. خصوصا اذا كان الجد الاكبر لنا صحابي جليل عين اميرا على بيت المقدس وتوفي هناك .. ونسله واخفاده صراحه لهم سير حياة ترفع الراس ، يعني الكتاب كان جميل جدا وممتع جدا ويثير الفخر ..

عموما ، العشائر التميمية الدارية في مختلف انحاء العالم الاسلامي تنتشر عشائر وبطون وافخاذ تنتمي للتميميين الداريين وجاليات وعائلات وافراد في شتى انحاء المعمورة وقد عرفوا بالاسماء التالية :-

( آل التميمي ) التميمي منهم في قرية هام وعرفوا ايضا باسم الهامية نسبة الى القرية ,التميمي الخليلي , التميمي الداري , او الخليلي , الخطيب التميمي ,المجالي , مجاهد , سلطان , عبد الباسط , جلال ,الكيال , الحلواني ,المحتسب , القاضي , الصاحب ,فنون , عبدالباسط ,سلطان , شبانة , الحليسي شاور ,الربعي , اشتي , الزرو ,بهية ,ابو عجيلة , ابورجب , ابو رميلة ,سلهب , بيوض ,القصراوي وايضا هناك التكروري , النابلسي , الكركي , والمصري . وما ينطبق على المجالي ينطبق على المعايطة والبيايضة والمهيرات حيث أنهم ابناء العمومة الأقرب. وبالطبع ينطبق ذلك على باقي العائلات الاخرى .. نعود الى تميم الداري .. للمزيد عن هذا الرجل العظيم http://www.banitamim.net/forum/showpost.php?p=308652&postcount=38

انا مو حاب اقلب المذكرة درس تاريخي .. بس خطر على بالي اقول اسمي الكامل نسبة الى هذا الرجل الذي خرج من نسله عظماء من الرجال ..

ليث خليل يوسف سليمان خليل محمد ابراهيم محمد ابراهيم محمد عويسي مجاهد احمد مجاهدعمر مجاهد ابراهيم خليل تاج الدين صلاح الدين صالح تميم شهاب الدين عبدالله عبدالرحمن داري عيسى محمد احمد محي الدين شهاب الدين مجاهد التميمي ..

واحتصارا .. ليث خليل يوسف سليمان الخليلي .. ياحليلهم اجدادي .. ان شاء الله نلتقي فيهم بالجنة ..

على كل حال .. هذا اصلي وفلصي وانا فخور جدا به .. وان شاء الله يكون لي اثر كبير في حياتي علشان احفظ في ذاكرة التاريخ نفس اجدادي واجداد اجدادي .. كانسان غيّر في هذه الدنيا وكانسان عظيم يفتخر فيني احفادي واحفاد احفادي …

صحيح الموضوع كان تاريخي اكثر من اي شي ثاني .. بس اهم شيكتبت وضيعت وقتي بشي مفيد .. وترا كان خاطري وبودي اكتب اكثر واتفلسف بالموضوع عموما يعني الصورة الكبيرة .. الـ Big Picture عن الاصول .. بس مليت وافكاري ضاعت وتفكيري شت !!

اول شي حاب اقول اني انا هالايام مش عارف شو صايبني والحالة النفسية منظربة .. مرة مستانس مرة زعلان مرة متملل مرة ودي ابكي وازوع مرة ودي اطير من الفرحة واصارخ رة ابي اقعد في البيت مرة ابي اطلع .. يعني حالات نفسية مضطربة ومو متعود عليها .. والسبب مجهول !!

وانا من النوع اللي لما يصيبني هالحالات النفسية احاول قد ما اقدر اكتم اكتم كلشي بقلبي بس ساعات ما اقدر واضطر اما اكتب للجهاز او اقعد مع احد واسولف معاه .. وطبعا انا ياحبي حق السوالف اذا فيه احد ناوي يضيع من عمره 5 ساعات يسمع (( فلسفات في الحياة )) يجي يقعد معي ..

طبعا قبل ما كنت احب ابوح باللي في بالي لاحد .. يعني كلشي اخليه بنفسي .. وممكن اكتبه في المذكرات .. حاليا اكتشفت ان المذكرات مراااقبة .. يعني اذا بدي افتح قلبي .. الكل رح يشوف نقاط ضعفي وهذا شي مو بصالحي .. المفروض اللي افتحله قلبي يكون يستاهل كفاية انه يعرف كلشي عني وعن نقاط ضعفي .. وفلسفاتي في الحياة ..

طبعا انا من النوع اللي مستعد اقعد مع الناس واسمع فلسفاتهم في الحياة لساعات وساعات .. يعني موضوع الفلسفة هاظ ..

 الموضوع سخيف .. مش عارف اكتب !!

السلام عليكم ورحمة الله وبركاته .

ما اذكر اخر مرة كتبت فيها وعن شو .. غير لما اشوف اخر تدوينة .. للاسف عندما انشأت المدونة او المذكرات توقعت نفسي اكتب كل يوم او كل اسبوع او ربما كل شهر ..لكن مشاغل الحياة والنفسية ما كانت مساعدة ابدا .. صارلي تقريبا شهرين او اكثر ما كتبت فيهم شي .. في هالشهرين صار كثير وكثيييير من الاحداث .. اختصرهم في فقرة واحدة ..

سافرنا على الاردن ، وقعدنا في الاردن والتقينا مع اخواني وخواتي وقرايبنا .. وكانت اول مرة نجتمع كل الاخوان مع بعض من حوالي 10 سنوات ما التقينا كلنا مع بعض وقعدنا كلنا مع بعض بالنسبة لي كانت لحظات حلوة لا تنسى وشعرت بالسعادة الشديدة تغمرني ( حيث يلتقي الاحبة ) . وفي الاردن التقيت باصحابي وشفت كم واحد من البحرين هناك ، والتقينا بعلاء عجلوني صاحب عبدالرحمن كان معانا في المنتدى ، وفي الاردن كمان ضعفنا شوية ونزل الوزن حوالي 10 كيلو ، وفي الاردن قدمت لجامعه اليرموك لكن ما كملت الاجراءات ، وابوي الله يخليه لنا كمل اجراءات البعثة من وزارة التربية ، وطلعلي مالية ومصرفية في جامعه البحرين . والحمدلله المعدل التنافسي كان يؤهلني لدخول اي تخصص  واخترت هالتخصص ان اء الله نتوفق فيه .. وبعد الاجازة الحلوة اللي قضينا جزء كبير منها مع اولاد خالي انس واحسان وايسر في المسابح والبلياردو ( على سيرة البلياردو عندي سولافة .. بعدين بحكيها ) ولعب كرة القدم والشدة وغيرها ..

وآخر العطلة صار ظرف طارئ للاسف زوج اختي صار عنده دسك وماقدر يرجع يوصل اختي واولاها الى السعودية وجدة .. الحمدلله الحين تشافى وتعافى ان شاء الله دايما بصحة وسلامة .. واضطريت فيالنهاية اسافر معها في الباص الى جدة وقعدت هناك اسبوع كان اسبوع بصراحة حلو بس متعب ، قعدنا مع اختي وزوجها واولادها وقضينا اوقات حلوة .. بس ما قدرت اأدي العمرة للاسف .. ولا التقيت بصاحبي اللي جدة علشان كان مساافر .. ان شاء الله بوقت ثاني ..

وبعدين رجعت البحرين والرجعة كانت حوة بعد التعب والمشقة ، يعني رجعت وحسيت براحـــــــة -(( هل هو الحنين الى الوطن ؟ ))- وكان البيت يعني شوية غريب علي بس تعودت يعني مو زي قبل يوم كنت اسافر وارجع يكون كلشي غريب .. وبعد ما رجعت رجعت الوالدة من الاردن ورجعنا الى روتين الحياة اليومية .. رغم انه كان في الاجازة .. وما دام الروتين .. حتى تخربط مع بداية رمضان الجميل .. ( واللي لي سالفة معاه ) .. وبدينا الجامعة ( اللي لي سالفة معاها بعد ) .. وخلص رمضان والعيد ( اللي لي سالفة معاه بعد ) وبدينا روتين سوف يطوول .. يطوووووووول !!

خلونا نتكلم عن السوالف الجانبية ..

1- سالفة البلياردو : البلياردو في الاردن وما ادراك ما البلياردو في الاردن .. هي لعبة شبيهة بالباليارد المعروفة في جميع انحاء العالم ، فيها تكون الكرات كما نعرفها ولكنها بالطبع ليست كرات بل ( مربعات ) من كثر الضرب والطبش والنوعية التعيسة الرخيصة من الكرات .. وفيها تكون الاستيكة او العصاية اللي نضرب فيها هي ( عصا قشاطة ) – والقشاطة هي المكنسة اللي نكنس فيها الارض - ، يكون في نهايتها شيء شبيه بالمطاط يجب عليك ان تبريه بالنيلة ( الطبشورة ) قبل كل ضربة نص ساعه لانه دايما ما يكون معوج وغير مستوي .. وطبعا بما انها مصنوعة من الخشب الرديء والرخيص يجب عليك ان تضع ( كيلو بودرة ) على كامل يدك كي لا تحتك مع يدك المرطبة .. والطاولة نفسها شيء شبيه بالطاولة مصنوع من الخشب الرديء وابعادها غير صحيحة وقماش لا يسوى ان يسمى قماش .. وتكون بالطبع فيها زاوية ميلان 90درجة علشان ما تعرف تلعب كويس .. وفي النهاية بعد ما تلعب اللعبة الشبيه بالبلياردو .. يجي صاحب المحل السوكرجي – ما بنحط بالذمة – ويقولك ((  ادفع زيادة انت ما تعرف تلعب )) .. اللي زيكم حبيبي نحاسبهم بالساعه مو باللعبة .. هو اصلا محلكم محل اصلا علشان تتفلسف .. تهت علينا نلعب فيه .. خرا عليك وعلى محلكـ يا اخو الـ **** .. والله لو اتذكر اسم المحل كان قلته وفضحتو اخو هالـ بس نسيتو هو بصير باخر شارع الجامعة جديد المحل مصارلو كم شهر فاتح .. بس على العموم مو علشان قالي هالكلمتين انا بكتب عن البليادو في الاردن .. علشان فعلا اصحابي ناس ما بعرفو يلعبو بالمرة يفوزوا علي وهمة يعني يالله يالله يمسكو العصاية .. وفي كل المحلات مو بس هذا .. يعني الكرة تضربها بند في حياتها ما بتبند معك .. وبالتأكيد تمشي كالمربع او متوازي الاضلاع لانها مش كرة .. يعني بتضربها بطيء على الجيب بتمشي على مهلها وبتصير تروح يمين وشمال .. بسبب نوعيتها الردية وزواياالمربع الموجودة فيها وبالطبع ميلان الطاولة والاستيكة الخرا ..

2- سالفة رمضان والجامعة والعيد : بعد ان ارتفع ضغطي وانا اكتب بسالفه البلياردو .. اتمنى ان اهدا شوية بسالفة الجامعة ورمضان .. قبل رمضان بشوي كان فيه اسبوع اجازة كل يوم كنت اطلع فيه مكان مع اصحابي .. واحلى طلعة كانت لما رحنا لجنة دلمون المفقودة وقعدنا من الساعه 1 للساعه 11 في الليل وحللنا الـ 12 دينار اللي دفعناهم .. وصار معنا سوالف كثير هناك .. بالنسبة لرمضان هالسنة كان غير شكل .. ولما بدا تذكرت يوم كنت اكتب عن ( ياحبهم للمضمضة في رمضان ) وكنت اضحك مرات زي المجنون لحالي .. رمضان هالسنة كان خفيف ولطيف .. ولاول مرة المسلسلات في رمضان كانت حلوة وممتعه ( باب الحارة ) ، ( نمر بن عدوان ) ، ( خواطر شاب ) ، ( طاش ما طاش ) .. يعني كنا نستمتع شوي مع الاكل الطيب وجمعة العيلة على مائدة رمضان .. ولكن للاسف كنت اروح الجامعة من الساعه 8 الصبح للساعه 3 العصر واتعب كثير .. وحتى ان بعد ما خلص رمضان تودت على اني ما اشرب شي ولا اكل شي .. ولذلك كانت بداية الجامعه في رمضان توقيت سيء .. انقلب اللي مفروض يكون روتين صار شي غريب .. رمضان السنة كان حلو كثير وبصراحة استمتعنا كثير فيه .. ننتقل للجامعة .. الجامعة بدت مع رمضان وتعبنا كثييير .. بس تعرفنا والله على شباب طيبة كثيير في الجامعه والتقينا بكثير شباب صحابنا من ايام المدرسة كثير كانت حلوة تشوفهم معاك بالجامعة مع انهم مش معاك معاك بس يعني بنفس الجامعة ، وزادت معارفنا كثير عن زمان بهالشهرين زمان وصار الواحد يتحير يمشي مع شلة الشباب هذول ولا هذول ولا مع مين بالزبط والجامعة نفسها كثير حلوة والجو حلو .. بس بتحس انو يعني بترتاحش كثير .. وين ايام المباطحة والهواش بالمدرسة ههههه .. والدكاترة بتحسهم يعني كلهم ماشاء الله عليهم بفهمو .. مش مجامله بس الصراحة كلهم كويسيين وبس لشرحهم حتى ما بتحتاج اشي ثاني .. اما بالنسبة للمواد فأنا شوية مستصعب المحاسبة والمنجمت والايكونمكس .. الرياضيات والانجليزي بمشوا الحال .. بس عموما اول اشي كنت شوية مستصعبهم بس هسا الحمدلله ممشي الحال مع اني مش دارس كثير بس انشالله رح نخش على الدراسة عرض ونقطعها تقطيع هالـ 5 مواد .. خلينا من الجامعة رح نسولف عنها كثير بعدين .. خلينا هسى بالعيد .. العيد بصراحة كان كمان كثير حلو .. ناهيكم عن فلوس البعثة اللي نزلت قبل العيد بشوي واللي حلتو بزيادة.. وبالعيد يعني مفيش اشي نتشائم منو الحمدلله كل وقاتنا حلوة eversince .. رحنا كثيييير امكن بالعيد .. رحت على السعودية يوم وطلعنا على قهوة يوم .. ويوم مع شلة شباب صحابي .. ويوم مع شلة ثانية .. ويوم رحنا سيارات باق صغيرة .. ويعني كان كلو طلعات لحتى بالنهاية اكلنا بهدلة انو ندرس وما نوخذش على الوضع تبع الطلعات .. بس عموما كان كثير حلو

 انا رح اوقف كتابة هسا لانو مليت وبطل الي نفس مع انو بعرف حالي اذا دخلت بالجو بطلعش منو غير بصعوبة واللي طلعني من الجو هسا ابن اخوي سيف .. وشيطانتو بالغرفة .. ولا ضرب ولا بدلة بتنفع معو .. المهم ، لما بديت كتابة كان ببالي اقول الشغلات على السريع وكان عنوان الموضوع مالي خاطر بالكتابة .. بعدين لما كتبت حكيت ( بس حكتب ) واخر اشي حطيت ( كثير ) ههههه بس كاني كتبت عن شهرين لورا .. وانشالله يصيرلي نفس بعدين بالكتابة واضل اكتب وافغ اللي بنفسي .. ومتأكد من الكيبورد التعبان فيه اشي 400 خطأ بالمذكرة بس خلها تولي

أنا بطبعي لا احب التدوين عن ما يحدث من أمور سيئة في حياتي .. للاسف جدي ابو ابوي يوسف الخليلي توفى من حوالي شهر ولكن ما حبيت أكتب عن الموضوع في مذكراتي .. الله يرحمه ويغفر ذنوبه ويدخله فسيح جناته يارب العالمين ..

الحمدلله حاليا الوضع وكأن شيئا لم يحدث وخصوصا أن نتائج التوجيهي طلعت وتخرجنا وتكرمنا أكثر من مرة وكرمنا رئيس الوزراء الشيخ خلفية أل خليفة .. و طلعت بالجرايد عشرات المرات .. وعندي صور كثيرة للحفلات والصور مع أصحابي يعني التخرج والتفوق وفرحة التفوق والتكريم وكذا كانت اشياء حلوة وتعرفت على ناس جديدة .. وما يتبع التكريم من مميزات وبعثات وغيرها يشعرك بالسعادة وتحس أن الدراسة كانت كلها تستاهل . وصعوبات الدراسة بالفعل تستاهل انك تتعب علشان التكريم والتفوق اللذيذ

وانا حاليا في الصيف قاعد بقضي وقت ممتع ولازلت في البحرين .. الموعد المحدد للسفر للاردن 10/7 لكن يمكن نأجله شوية لان رح ناخذ وقت في التأقلم وانا بصراحة حاب اظل في البحرين بعد شوية لان كلشيء متوفر .. اطلع مع اصحابي ونتسلا في الغالب نلعب بلياردو او اي شي ثاني .. مرات اقعد على الكمبيوتر او البليستيشن .. وبعد قاعد أتابع المستجدات بالنسبة للبعثة إن شاء الله تضبط ويطعللي العلوم المالية والمصرفية .. او محاسبة الحمدلله على كل حال ..

معظم أصحابي قاعدين بيقضوا وقتهم في العمل علشان يكون صيف مفيد ومنتج واحد يشتغل في سينما السيف وواحد في الجوازات يخلص معاملات ولكن انا بشتغل على الكمبيوتر والانترنت اللي فالح فيهم أكثر .. الحمدلله حصلنا مبلغ لا بأس فيه من الاعلانات في الموقع وان شاء الله يتضاعف أكثر وأكثر .. وفي صدد عمل موقع جديد بفكرة جديدة القوا نظرة عليه وهو في صدد التطوير ان شاءا لله بنهاية الصيف أخلصه واطوره شوية وبعدين ابيعه بمبلغ محرز ..

موقع اسرار الالعاب العربي : www.arabcheats.com

ادعولي بالتوفيق مع اني اصلا بكتب لنفسي مو لحد ثاني ..

الحمدلله .. الحمدلله .. الحمدلله ..

و سبحان الله .. سبحان الله .. سبحان الله ..

 الحمدلله : لاني خلصت بعد اكثر من 12 سنة في المدرسة وهمها .. خلصت توجيهي ، وبصراحة لم اشعر باول 9 سنوات لانها كانت سهلة على الجميع ولا تحتاج مجهود ولكن اخر 3 سنين يعني الثانوي كله بصراحة اتعبني وخصوصا ان نظام البحرين يعتمد على الساعات العتمدة يعني 6 فصول وانا باكل هوا وبسهر وبمتحن ورايح جاي على المدرسة .. الغريب بالامر ان طوال هذه المسيرة .. بالرغم من المصاعبوالمشاق التي اجهتني فيها الا انها كانت بمجمل الامر جيدة .. ونحمد الله على اكمالنا لها ..

سبحان الله : لأن الامر مرّ بسرعة .. وانا لحد الآن مو مصدق نفسي اني خلصت وما فيه هموم دراسة كيميا وفيزا واحياء و رياضيات وغيرها .. بالرغم اني استمتع بدراستها ولكن لما يجي عليها امتحان نهائي البني ادم بيرتبك وما بيحبها ..  عموما ، في الجامعة ان شاء لله كثير من المواد سوف ادرسها .. ولكنني بالتأكيد ما راح ادرس هاي المواد المملة .. لان ان شاء الله رح ادخل تخصص بزنس ..

انبارح ( امس ) بعد ما خلصت اخر امتحان .. واللي دايما كنت احلم شو بدي اسوي بعديه .. ما سويت شي واحلامي تبددت .. حسيت بالارهاق لكن ورحت مع اصحابي على مطعم الابراج ولعبنا بلياردو شوي .. ولكن ما كان شيء مميز يعني كأنه ماله طعم .. يعني فيه ناس صابتها فرحة عارمة … في ناس لسا بتتكلم بالامتحان .. وفيه ناس صابها حزن .. وناس مش قادرين يصدقوا واصيبوا بحالة صدمة .. انا بالنسبة لي من النوع الاخير حسيت نفسي مصدوم بانتهاء كلشيء هكذا .. ربما لاني اعتقدته شيء اخر او سيكون له نكهة جميلة جدا ولكنني تفاجأت بالواقع انه مش بالاشي الكبير ..

عموما ، لانها مرحلة جميلة جدا بحياتي .. حبيت اتكلم عنها وهي مهمة بصراحة واذا ما تكلمت عنها بكون المذكرات تبعتي ناقصة .. لاني اصلا مقدرتش اتكلم عن الامتحانات ومحبيتش ادخل بالتفاصيل المملة لاني اصلا ما اليش نفس اكتب ولا اشي ..

ولكن ان شاء الله اقدر استمتع بالعطلة الكبيرة والطويلة حسب اجماع الناس كلهم اللي بين المدرسة والجامعة .. لان اوقات التسجيل لهم غير .. وانا ان شاء الله ناوي اسوي شيء مميز ممكن اكسب منو فلوس عبر الانترنت .. ادعولنا بالتوفيق ..

وادعولنا بالتوفيق ايضا بـالشهادات ويارب اجيب معدل تراكمي فوق 95 علشان ما اتفشل واروح تكريم رئيس الوزراء .. صرت دافع للروب .. اما اذا انزل وما اتكرم شيء حزين جداوما راح اعرف ايش ممكن اسوي .. ولكو ادعوووووووولي

ومسامحة لان الكيبورد زفت وببلع حروف … الله ينتقم منك يالعصري

وباي ذا ويه هاي البنت موهوبة من يوتيوب شوفوها : http://www.youtube.com/profile?user=mischaaa

ان لي هدف اسعى اليه وهو انني اريد ان اصنع تغييرا في نظرة العالم الى العرب والمسلمين .. باذن الله تعالى اري ان ارفع راس العرب والمسلمين .. لا ادري كيف وليس لي خطة في ذلك ولكن هذا هو هدف اساسي بالنسبة لي اود تحقيقه في حياتي ..

بالامس شفت مباراة الاهلي المصري مع برشلونة الاسباني .. النوادي الاثنين صارلهم 100 سنة تقريبا متأسسين .. ولكن لما تشوف الفرق في المسوى تزعل .. يعني هم بني ادمين واحنى بني ادمين .. ليش صار فيهم هيك واحنا صار بينا هيك ؟! ما بعرف العرب صارت قيمتهم في الارض وبدل ما يكونوا من اقطاب العالم صارو من دول العالم الثالث ..

ان شاء الله ما بعرف كيف لكن ناوي في المستقبل اني حتى ولو بقليل اغير هذا الامر وتصير الدول العربية من اقطاب العالم وليس من دول العالم الثالث .. كل هذي الامكانات والقدرات في عالمنا العربي ولكنها غير مستثمرة ابدا ابدا .. يا اخي ما بعرف في كل المجالات العرب ما لهم مكانة .. كل البحوث امريكية كل القرارات امريكية اقتصادنا مرتبط باقتصاد امريكا ..

هل تعودناعلى الهوان امام امريكا ونسينا مكانتنا التاريخية في العالم ؟! سبحان مغير الاحوال .. انا عندي هدف قوي اود عمل شيء تغيير شيء في العرب في المستقبل لا ادري ماهو وان شاء لله ربي يرشدني اليه عندما اكبر واقدر على تحقيقه .. ونرجع للي كنا عليه .. الله يعيننا ..

أولا لن اعتذر لاحد ابدا لاني ما كتبت من زمان .. لان اكتشفت اولا واخرا اني اكتب لنفسي اروح عن نفسي ولما اكبر اشوف الكلام اللي بالمذكرات واتذكر الماضي تماما مثل الصور .. واللي بحب يتفرج يتفرج ..

عموما .. انا من زمان ا كتبت ولا كان لي نفس كتب .. خلصت امتحانات المنتصف الكئيبة مرضنا مرة ومرتين وغبنا عن المدرسة ايام وايام .. وصارت اشياء كثيرة بهالفترة وبصراحة ما الي نفس اكتب عنها خلص اللي صار صار ..

فيه غطة مطبعية فوق ومن كثر ما انا مكتأب متعاجر اعدلها .. اليوم قدمت امتحان القدرات العام والحمدلله سويت لا بأس زي ماهو متوقع مني أسوي وشو ماتطلع الدرجة تطلع وان شاء الله تطلع كويسة انا متفائل ان شاء الله .. لكن والله رغم هيك انا كان ممكن اسوي احسن بس الحمدلله على كل حال .. ما بعرف من وين جاتني اكآبة يمكن لاني غايب عن امرة من زمان ومش حاب ارع للروتين اليومي او من ملل البيت واللي هو الاحتمال الاقوى .. متراكمة علي كمان الشغلات الصغيرة والهوشات الصغيرة بالبيت والاخفاقات الصغيرة الكثيرة اللي سويها هاليومين ..

هموم وقروف جد متضايق وودي أبكي على قولة راشد الماجد .. شغلت الاغنية قبل شوي وابوي ماخذ مفتاح غرفة انوم فما قدرت اسكر المفتاح وابكي بحرية .. بكيت شوي وبعدين دخل خالي الغرفة خرب الجو .. اغتنمت الفرصة اعبر عن مشاعري بلكي انها تروح على المذكرات .. ان شاء الله يارب تروح .. بتصدقو هذا راشد الماجد اغنيتة حلوة والبكا معاها حلو بتوصف الشعور تماما ..

لحد هسى حاسس بشي بصدري من زمان حتى جاعبالي اعيط بس كتمتها لحد هسى زادت كثير .. ويارب تكون خفت واكون متفائل وفرحان من بكرا الصبح علشني رح احتاجها للاساتذةالكرام كل واحد بدو ابتسامة اعرض من الثانية وكل واحد بدو بوسة اذا مش ثنتين علشان يرضى عليك واذا انت متضايق بتولع حرب فلازم الواح تكون نفسيتو مش تعبانة .. عموما لعل الكتابة تخفف عني هالضغوطات النفسية الكريهة .. وراشد الماجد !! استمتع ياللي بتقرا مين ما كنت ..

ودي أبكي لين ما يبقى دموع .. ودي أشكي لين ما يبقى كلام
من جروح صارت بقلبي تلوع .. ومن هموم أحرمت عيني المنام
أنطفت في دنيتي كل الشموع .. والهنا ما يوم في دنياي دام
غربتي طالت متى وقت الرجوع .. كل عام أمني أحلامي بعام
أن شكيت الحال محد لي سموع .. و ان شكيت الناس زادوني هموم
طال صبري والزمن عيا يطوع .. والرجا باللي عيونه ما تنام 

هاي رابط من طرب اللي حجبتو جول قد ما بغش
http://www.6rb.com/song3/ksa/rashed/rashed-weddi_abki.rm

يا رب توفقني بامتحان القدرات وكل اشي وانته اعلم بعبدك الفقير .. يارب تشيل عني الهموم والكآبة وتوفقني بكلشي بسويه وباقي الادعية الناس مش ضروري تعرفها بيني وبين ربي .. انا رح اقعد مع حالي هسى ان شاء الله تفشى نفسي بعد ما كتبت مع انو حاس اني مطلعتش كلشي بنفسي .. خصوصا من الشغلات الصغيرة اللي بتضايقك كثييير وبترفع الشغط مليون مع الشغلات الثانة والضغوط اللي بتصير معك زي الفايروس اللي مكتسح جوجل بالجهاز ويطلع موقع جنسي لاي بحث بتسويه .. وزي الكيبورد اللي بعلق .. واشياء كثيرة على راسها المرض اللي هلكني ..

سيبوني بحالي هسى ان شاء الله ارجع أكتب اشي ثاني مفرح بالمرات الجاية ..